ଦେଶରେ ୧୫୦ ଜିଲ୍ଲାକୁ ସମ୍ପୂର୍ଣ୍ଣ ଲକଡାଉନ ଘୋଷଣା ହୋଇପାରେ : କେନ୍ଦ୍ର ସରକାର
ଦେଶରେ ୧୫୦ ଜିଲ୍ଲାକୁ ସମ୍ପୂର୍ଣ୍ଣ ଲକଡାଉନ ଘୋଷଣା ହୋଇପାରେ : କେନ୍ଦ୍ର ସରକାର
admin
6517
ନୂଆଦିଲ୍ଲୀ : ସଂକ୍ରମଣ ବଢ଼ୁଥିବାରୁ ବିଭିନ୍ନ ରାଜ୍ୟ ଲକଡାଉନ ଘୋଷଣା କରିଛନ୍ତି । ତେବେ କେନ୍ଦ୍ର ସରକାର ଏକ ନୂଆ ପ୍ରସ୍ତାବ ନେଇ ଆସିଛନ୍ତି । ଆଗକୁ ୧୫ ପ୍ରତିଶତରୁ ଅଧିକ ପଜିଟିଭ ହାର ଥିବା ଜିଲ୍ଲାମାନଙ୍କରେ ସମ୍ପୂର୍ଣ୍ଣ ଲକଡାଉନ ହେବ । ପ୍ରାୟ ୧୫୦ଟି ଜିଲ୍ଲାରେ କୋଭିଡ ପଜିଟିଭ ହାର ୧୫ ପ୍ରତିଶତରୁ ଅଧିକ ଥିବାରୁ ଏହି ସବୁ ଜିଲ୍ଲାମାନଙ୍କରେ ସମ୍ପୂର୍ଣ୍ଣ ଲକଡାଉନ ହେବ ବୋଲି ନିଷ୍ପତ୍ତି ହୋଇଛି । ଏକ ଉଚ୍ଚସ୍ତରୀୟ ବୈଠକରେ ଏସଂକ୍ରାନ୍ତ ନିଷ୍ପତ୍ତି ନିଆଯାଇଛି । ତେବେ ରାଜ୍ୟ ସରକାରଙ୍କ ସହ ଭଲଭାବେ ବିଚାରବିମର୍ଶ କରିବାପରେ ଏ ଦିଗରେ ଚୂଡ଼ାନ୍ତ ନିଷ୍ପତ୍ତି ନିଆଯିବ । ଗତ ସପ୍ତାହରୁ ଯେଉଁସବୁ ଜିଲ୍ଲାମାନଙ୍କରେ ପଜିଟିଭ ହାର ୧୦ ପ୍ରତିଶତରୁ ଅଧିକ ରହିଛି ଏବଂ ୬୦ ପ୍ରତିଶତରୁ ଅଧିକ ଅକ୍ସିଜେନ ଏବଂ ଆଇସିୟୁ ବେଡ ବ୍ୟବହାର ହୋଇଛି ସେଠାରେ ଲକଡାଉନ କରିବାପାଇଁ ନିଷ୍ପତ୍ତି ହୋଇଛି । ଉଲ୍ଲେଖଯୋଗ୍ୟ, ସପ୍ତାହେ ହେଲା ଦେଶରେ ସଂକ୍ରମଣ ମାମଲା ୩ ଲକ୍ଷରୁ ଅଧିକ ରହୁଛି ଏବଂ ମୃତୁ୍ୟ ସଂଖ୍ୟା ମଧ୍ୟ ବଢ଼ୁଛି ।
