ନାବାଳିକାକୁ ଗଣଦୁଷ୍କର୍ମ ପରେ ହତ୍ୟା ଉଦ୍ୟମ

Jan 31, 2021 - 12:49 Updated: Jan 31, 2021 - 12:49

2280

ବ୍ରହ୍ମପୁର: ଗତ ୨୮ ତାରିଖ ଦିନ ଗୋଳନ୍ଥରା ଥାନା ଅଞ୍ଚଳରେ ଜଣେ ନାବାଳିକାକୁ ହତ୍ୟା ଉଦ୍ୟମ ଘଟଣାର ପର୍ଦ୍ଧାଫାସ କରିଛି ପୁଲିସ । ସମ୍ପୃକ୍ତ ନାବାଳିକାକୁ ଗଣଦୁଷ୍କର୍ମ କରାଯାଇଥିବା ନେଇ ବ୍ରହ୍ମପୁର ଅତିରିକ୍ତ ଏସପି କହିଛନ୍ତି । ଏହି ଘଟଣାରେ ଗିରଫ ୨ ଅଭିଯୁକ୍ତ ସମ୍ପୃକ୍ତ ନାବାଳିକାକୁ ବଳପୂର୍ବକ ଉଠାଇ ନେଇ ଗଣଦୁଷ୍କର୍ମ କରିଥିଲେ । ଏନେଇ ପ୍ରତିବାଦ କରିବାରୁ ଅଭିଯୁକ୍ତମାନେ ନାବାଳିକାକୁ ନିର୍ମମଭାବେ ମାଡ଼ ମାରିଥିଲେ । ନାବାଳିକାର ମୁଣ୍ଡ, ମୁହଁ ଓ କାନକୁ ଭଙ୍ଗା ଇଟାରେ ପିଟିଥିଲେ ବୋଲି ବ୍ରହ୍ମପୁର ଅତିରିକ୍ତ ଏସପି କହିଛନ୍ତି । ତେବେ ଏହି ଘଟଣାରେ ୨ ଅଭିଯୁକ୍ତକୁ ଗିରଫ କରାଯାଇ ପୋକ୍ସୋ ଆକ୍ଟରେ ମାମଲା ରୁଜୁ କରାଯାଇଛି । ୩୬୫, ୩୬୬, ୩୭୬ ଡିବି, ୩୦୭ ଓ ୩୪ ଆଇପିସିରେ ବି ମାମଲା ରୁଜୁ କରାଯାଇଛି । ଆକ୍ରମଣରେ ବ୍ୟବହୃତ ରକ୍ତଲଗା ଇଟାବି ଜବତ କରାଯାଇଛି । ଗୁରୁତର ନାବାଳିକା ଏବେ କଟକରେ ଚିକିତ୍ସାଧୀନ ଥିବା ଜଣାଯାଇଛି ।