ନିଟ୍ ପାଇଁ ସ୍ୱତନ୍ତ୍ର ବିମାନରେ ଭାରତ ଆସିବେ ପରୀକ୍ଷାର୍ଥୀ
ନିଟ୍ ପାଇଁ ସ୍ୱତନ୍ତ୍ର ବିମାନରେ ଭାରତ ଆସିବେ ପରୀକ୍ଷାର୍ଥୀ
admin
5360
ନୂଆଦିଲ୍ଲୀ : ବିଦେଶରେ ନିଟ୍ ପ୍ରବେଶିକା ପରୀକ୍ଷା କରିବା ପାଇଁ କେନ୍ଦ୍ର ସରକାରଙ୍କ ପକ୍ଷରୁ କରାଯାଇଥିବା ଆବେଦନକୁ ଖାରଜ କରିଛନ୍ତି ସୁପ୍ରିମକୋର୍ଟ । ଗଲ୍ଫ ରାଷ୍ଟ୍ରରେ ଅବସ୍ଥିତ ଛାତ୍ରଛାତ୍ରୀଙ୍କ ପାଇଁ ପରୀକ୍ଷା କରାଇବା ପରିବର୍ତ୍ତେ ସେମାନଙ୍କୁ ବନେ୍ଦ ଭାରତ ମିଶନରେ ଭାରତ ଆଣିବା ପାଇଁ ସର୍ବୋଚ୍ଚ କୋର୍ଟ ନିଷ୍ପତ୍ତି ନେଇଛନ୍ତି ।
ଜଷ୍ଟିସ ଏଲ ନାଗେଶ୍ୱର ରାଓଙ୍କ ନେତୃତ୍ୱରେ ଗଠିତ ଖଣ୍ଡପୀଠ ଏହି ନିଷ୍ପତ୍ତି ଗ୍ରହଣ କରିଥିଲେ । ଏହା ସହିତ ବିଦେଶରୁ ଆସିଥିବା ଛାତ୍ରଛାତ୍ରୀଙ୍କ ପାଇଁ କ୍ୱାରେଣ୍ଟିନ୍ ନିୟମ କଡାକଡି ରହିବ ବୋଲି ଖଣ୍ଡପୀଠ ଘୋଷଣା କରିଛନ୍ତି । ତେଣୁ ସମସ୍ତ ଛାତ୍ରଛାତ୍ରୀ ୧୪ ଦିନିଆ କ୍ୱାରେଣ୍ଟିନରେ ରହିବା ସ୍ପଷ୍ଟ ହୋଇଛି । ଉଲ୍ଲେଖଯୋଗ୍ୟ ଯେ, ଆସନ୍ତା ସେପ୍ଟେମ୍ବର ୧୩ ତାରିଖରେ ନିଟ୍ ପ୍ରବେଶିକା ପରୀକ୍ଷା ଅନୁଷ୍ଠିତ ହେବ ।
