ପଶ୍ଚିମବଙ୍ଗରେ ଦିନମଜୁରିଆଙ୍କ ପତ୍ନୀ ହେଲେ ବିଧାୟିକା
ପଶ୍ଚିମବଙ୍ଗରେ ଦିନମଜୁରିଆଙ୍କ ପତ୍ନୀ ହେଲେ ବିଧାୟିକା
admin
4224
ନୂଆଦିଲ୍ଲୀ: ପଶ୍ଚିମବଙ୍ଗର ସଲତୋରା ବିଧାନସଭା ନିର୍ବାଚନମଣ୍ଡଳୀର ବିଜେପି ପ୍ରାର୍ଥୀ ଚନ୍ଦନା ବୌରୀ ନିଜ ନିକଟତମ ପ୍ରାର୍ଥୀ ଟିଏମସିର କୁମାର ମଣ୍ଡଳଙ୍କୁ ମାତ୍ ଦେଇଛନ୍ତି । ୪, ୦୦୦ରୁ ଅଧିକ ଭୋଟରେ ସେ ବିଜୟ ମୁକୁଟ ପିନ୍ଧିଛନ୍ତି । ସ୍ୱାମୀ ଦିନମଜୁରିଆ ହୋଇଥିଲେ ବି ଜନସେବା ଆଶାରେ ବିଧାନସଭା ନିର୍ବାଚନ ରଣାଙ୍ଗନରେ ସାମିଲ ହୋଇଥିଲେ । ଲୋକପ୍ରିୟତାକୁ ଦେଖି ବିଜେପି ଦେଇଥିଲା ଟିକେଟ । ଆଜି ସେ ଦଳର ଭରସା ଜିତିଛନ୍ତି । ଚନ୍ଦନା ଦାଖଲ କରିଥିବା ସତ୍ୟପାଠ ମୁତାବକ ତାଙ୍କର ମୋଟ ସମ୍ପତ୍ତି ମୂଲ୍ୟ ମାତ୍ର ୩୧, ୯୮୫ ଟଙ୍କା ଏବଂ ସ୍ୱାମୀଙ୍କ ପାଖରେ ୩୦, ୩୧୧ ଟଙ୍କାର ସମ୍ପତ୍ତି ରହିଛି । ଏହି ଦମ୍ପତ୍ତିଙ୍କର ୩ଟି ଛେଳି ଗାଈ ବି ରହିଛି । ମାର୍ଚ୍ଚରେ ଦେଇଥିବା ଏକ ବୟାନରେ ଚନ୍ଦନା କହିଥିଲେ, ଟିକେଟ ଘୋଷଣା ନ ହେବା ପୂର୍ବରୁ ମୁଁ ବିଜେପିର ଜଣେ ପ୍ରାର୍ଥୀ ହେବି ବୋଲି ଧାରଣା ନଥିଲା । କିନ୍ତୁ ଅନେକ ଲୋକେ ମୋତେ ଅନଲାଇନରେ ପ୍ରାର୍ଥୀ ହେବାକୁ ଆବେଦନ ନିମନ୍ତେ ଉତ୍ସାହିତ କରିଥିଲେ । ଏହାପରେ ମୋତେ ଟିକେଟ ମିଳିଥିଲା । ଚନ୍ଦନା ଆଜି ଜିତିବା ପରେ ଟ୍ୱିଟରରେ ତାଙ୍କ ବିଜୟକୁ ଲୋକେ ସ୍ୱାଗତ କରିଛନ୍ତି । ତାଙ୍କ ସମର୍ଥକମାନେ ଭୂୟସୀ ପ୍ରଶଂସା କରିଛନ୍ତି ।
