ବଗିକୁ ଛାଡି ଇଞ୍ଜିନ ପଳାଇଲା

Apr 2, 2019 - 05:30 Updated: Apr 2, 2019 - 05:30

3867

ଭୁବନେଶ୍ୱର:କଟକ କାଠଯୋଡି ବ୍ରିଜ ଉପରେ ଘଟି ଯାଇଛି ଏକ ଅଭାବନୀୟ ଘଟଣା । ରାଜଧାନୀ ଏକ୍ସପ୍ରେସର ବଗିକୁ ଛାଡି ଇଞ୍ଜିନ ପଳାଇଛି । ଭୁବନେଶ୍ୱରରୁ ନୂଆଦିଲ୍ଲୀ ଯାଉଥିବା ରାଜଧାନୀ ଏକ୍ସପ୍ରେସ କାଠଯୋଡି ଠାରେ ଅଟକି ରହିଛି । ଘଟଣାସ୍ଥଳରେ ରେଲୱେ କତୃପକ୍ଷ ପହଂଚି ଅନୁନ୍ଧାନ ଆରମ୍ଭ କରିଛନ୍ତି । ସୂଚନା ଅନୁଯାୟୀ,କଟକ କାଠଯୋଡି଼ ନିକଟରେ ରାଜଧାନୀ ଏକ୍ସପ୍ରେସ ଅଟକି ରହିଛି । ଭୁବନେଶ୍ୱର -ନୂଆଦିଲ୍ଲୀ ରାଜଧାନୀ ଏକ୍ସପ୍ରେସର ବଗିକୁ ଛାଡ଼ି ଇଞ୍ଜିନ ଆଗକୁ ଗଡ଼ିଯାଇଛି । କୋଣସି ଯାନ୍ତ୍ରିକ ତ୍ରୁଟି ଯୋଗୁଁ ଏପରି ହୋଇଛି କିମ୍ବା ଏହା ପଛରେ କଣ କାରଣ ରହିଛି ଏଯାଏଁ ସ୍ପଷ୍ଟ ହୋଇନାହିଁ । ତେଣୁ କଟକ ଖାନନଗର କାଠଯୋଡ଼ି ପୋଲରେ ରାଜଧାନୀ ଏକ୍ସପ୍ରେସ ଅଟକି ରହିଛି । ଘଟଣାସ୍ଥଳରେ ରେଳୱେ କତ୍ତୃପକ୍ଷ ପହଂଚିବା ସହ ମରାମତି କାମ ଚାଲିଥିବା ସୂଚନା ମିଳିଛି । ବିଶେଷ କ୍ଷୟକ୍ଷତି ହୋଇନଥିବା ଜଣାପଡ଼ିଛି । ଟ୍ରେନରେ ଥିବା ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି ।