ବିଶ୍ୱକପରେ ଭାରତର ମଙ୍ଗ ଧରିବେ କୋହଲି,ବୁମରା: ହୋଲଡିଂ
ବିଶ୍ୱକପରେ ଭାରତର ମଙ୍ଗ ଧରିବେ କୋହଲି,ବୁମରା: ହୋଲଡିଂ
admin
6346
ନୂଆଦଲ୍ଲୀ: ଭାରତ ଜୁନ୫ରେ ଦକ୍ଷିଣ ଆଫ୍ରିକା ବିପକ୍ଷରେ ଖେଳି ବିଶ୍ୱକପ ଅଭିଯାନ ଆରମ୍ଭ କରିବାକୁ ଯାଉଛି । ଅଧିନାୟକ ବିରାଟ କୋହଲି ଏବଂ ଦ୍ରୁତ ବୋଲର ଯଶପ୍ରୀତ ବୁମରା ଭାରତ ମଙ୍ଗ ଧରିବେ ବୋଲି କିମ୍ବଦନ୍ତି ଓଷ୍ଟେଇଣ୍ଡିଜ କ୍ରିକେଟର ମାଇକେଲ ହୋଲଡିଂ କହିଛନ୍ତି । ଇଂଲଣ୍ଡ ପଛକୁ ଭାରତ ମାନ୍ୟତାରେ ଦ୍ୱିତୀୟ ସ୍ଥାନରେ ରହି ବିଶ୍ୱକପ ଖେଳିବାକୁ ଆସିଛି ।ଏହି ଦଳ ନିକଟରେ ଦୁଇଜଣ ବିପଦ ପୂର୍ଣ୍ଣ ଖେଳାଳି କୋହଲି ଓ ରୋହିତ ଶର୍ମା ଅଛନ୍ତି । ଏମାନେ ଇଂଲଣ୍ଡରେ ହେବାକୁ ଥିବା ବିଶ୍ୱକପରେ ସବୁ ବିପକ୍ଷ ବୋଲରଙ୍କ ନିଦ ହଜାଇବାର ଦକ୍ଷତା ରଖିଛନ୍ତି ବୋଲି ସେ ପ୍ରକାଶ କରିଛନ୍ତି । କୋହଲି ଓ ବୁମରାଙ୍କ ପାଖରେ ଯେଉଁ ପ୍ରକାର ଗୁଣ ରହିଛି ଭାରତକୁ ବିଜୟ ଦେବାର ଯଥେଷ୍ଟ ହେବ । ଏମାନେ ଦୁହେଁ ଦୁଇ ବର୍ଷରେ ନିଜ ନିଜ ସ୍ଥାନରେ ଶ୍ରେଷ୍ଠ ଦେଇଛନ୍ତି । ଗତ ୪ ବର୍ଷରେ କୋହଲି ୭୮.୨୯ ହାରରେ ୪୩୦୬ ରନ ସଂଗ୍ରହ କରିଛନ୍ତି । ବିଶ୍ୱ ବୋଲିଂ ମାନ୍ୟତାରେ ଶୀର୍ଷରେ ଥିବା ବୁମରା୪୯ ମ୍ୟାଚରୁ ୨୨.୧୫ ହାରରେ ୮୫ ୱିକେଟ ଅକ୍ତିଆର କରିଛନ୍ତି ।
