ବିଶ୍ୱର ପ୍ରଥମ ଉଷ୍ମ-ରକ୍ତ ମାଛ

May 27, 2019 - 11:34 Updated: May 27, 2019 - 11:34

5095

ମାର୍କିନ ମତ୍ସ୍ୟ ଗବେଷକ ନିକ ୱେଜନର ଏବଂ ତାଙ୍କର ସହଯୋଗୀନୀମାନେ କାଲିଫର୍ନିଆ ନିକଟବର୍ତୀ ଗଭୀର ସମୁଦ୍ରରେ ଏଭଳି ଏକ ମାଛର ସନ୍ଧାନ ପାଇଛନ୍ତି । ଯାହାର ରକ୍ତ ସ୍ତନ୍ୟପାୟୀ ଓ ପକ୍ଷୀଙ୍କ ଭଳିଆ ଶତ ପ୍ରତିଶତ ଉଷ୍ମ । ବିଶ୍ୱର ଅଧିକାଂଶ ଅଂଚଳର ସମୁଦ୍ରରେ ଏଭଳି ମାଛଙ୍କ ବାସସ୍ଥାନ । ତେବେ ଗଭୀର ସମୁଦ୍ରରେ ରହୁଥିବା ଯୋଗୁଁ ଏହା ସଂପର୍କରେ ପୂର୍ବରୁ କିଛି ଜଣା ନଥିଲା । ଏହାକୁ ବିଶ୍ୱର ପ୍ରଥମ ଉଷ୍ମ ମତ୍ସ୍ୟ କୁହାଯାଉଛି । କାରଣ, ଅନ୍ୟ କୌଣସି ମାଛ ଶରୀରରେ ଉଷ୍ମ ରକ୍ତ ସଂଚରିତ ହେଉଥିବା ଏ ପର୍ଯ୍ୟନ୍ତ ଜଣା ପଡିନାହିଁ । ଏହା ମୁନଫିସ୍ ଭାବେ ନାମିତ । ଏହା ହେଉଛି ଏକ ଶିକାରୀ ମାଛ । ଏହାର ଦୃଷ୍ଟି ଶକ୍ତି ଅତ୍ୟନ୍ତ ପ୍ରଖର । ଏହାର ଗତି ମଧ୍ୟ ବେଶ କ୍ଷିପ୍ର । ଏହାର ପ୍ରିୟ ଖାଦ୍ୟ ସ୍କ୍ୱିଡ୍ । ଏହା ନିର୍ଦ୍ଦିଷ୍ଟ ଅଂଚଳରେ ବାସ ନକରି ଦୂର ଦୂରାନ୍ତକୁ ଯାଉଥିବା ଧରଣର ପରିବ୍ରାଜକ ମାଛ ।