ମିସ୍ ୟୁନିଭର୍ସ ହେଲେ ଦକ୍ଷିଣ ଆଫ୍ରିକାର ଜୋଜିବିନୀ ଟୁନ୍ଜୀ
ମିସ୍ ୟୁନିଭର୍ସ ହେଲେ ଦକ୍ଷିଣ ଆଫ୍ରିକାର ଜୋଜିବିନୀ ଟୁନ୍ଜୀ
admin
3177
ନୂଆଦିଲ୍ଲୀ: ଦକ୍ଷିଣ ଆଫ୍ରିକାର ଜୋଜିବିନୀ ଟୁନ୍ଜୀ ୨୦୧୯ ମସିହାର ମିସ୍ ୟୁନିଭର୍ସ ହୋଇଛନ୍ତି । ଜୋଜିବିନୀ ଟୁନ୍ଜୀ ଏବଂ ମିସ୍ ୟୁନିଭର୍ସ ପୁ୍ୟଟୋ ରିକୋ ମାଡିସନ୍ ଆଣ୍ଡରସନ୍ ୨୦୧୯ ମିସ୍ ୟୁନିଭର୍ସ ଟାଇଟଲ୍ ପାଇଁ ଦୁଇ ଶୀର୍ଷ ପ୍ରତିଦ୍ୱନ୍ଦ୍ୱୀ ଥିଲେ । ମିସ୍ ୟୁନିଭର୍ସ ମେକ୍ସିକୋ ହୋଇଛନ୍ତି ସେକେଣ୍ଡ୍ ରନର ଅପ୍ । ତେବେ ମିସ୍ ୟୁନିଭର୍ସ ୨୦୧୮ କାଟ୍ରିଓନା ଗ୍ରେ ଜୋଜିବିନୀ ଟୁନ୍ଜୀଙ୍କୁ ଗତକାଲି ଆଟ୍ଲାଣ୍ଟାରେ ଆୟୋଜିତ କାର୍ଯ୍ୟକ୍ରମରେ ମୁକୁଟ ପିନ୍ଧାଇଥିଲେ । ଅନ୍ୟପକ୍ଷେ ଭାରତର ବର୍ତିକା ସିଂହ ଶୀର୍ଷ ୧୦ ଜଣଙ୍କ ମଧ୍ୟରେ ସ୍ଥାନ ପାଇ ପାରିନାହାନ୍ତି । ୨୬ ବର୍ଷୀୟା ଜୋଜିବିନୀ ଟୁନ୍ଜୀଙ୍କ ଘର ଦକ୍ଷିଣ ଆଫ୍ରିକାର ସୋଲରେ । ଲିଙ୍ଗଗତ ହିଂସାକାଣ୍ଡ ବିରୋଧରେ ଲଢେ଼ଇ ଦିଗରେ ସେ ସକ୍ରିୟ ରହିଛନ୍ତି । ସୋସିଆଲ ମିଡିଆରେ ମଧ୍ୟ ସେ ଏହି ଦିଗରେ କାର୍ଯ୍ୟ କରୁଛନ୍ତି । ୨୦୧୯ ମିସ୍ ୟୁନିଭର୍ସ ପିଜାଣ୍ଟ୍ ଗତକାଲି ରାତିରେ ଆଟ୍ଲାଣ୍ଟାରେ ହୋଇଥିଲା । ଏଥିରେ ୯୦ ଜଣ ଅଂଶଗ୍ରହଣ କରିଥିଲେ ।
