ରାଜ୍ୟରେ ଶତକ ପାର କଲା ପେଟ୍ରୋଲ

Jul 2, 2021 - 06:48 Updated: Jul 2, 2021 - 06:48

6198

ଭୁବନେଶ୍ୱର: କରୋନାରେ ଲୋକେ କଲବଲ ହେଉଥିବାବେଳେ ତୈଳଦର ବୃଦ୍ଧି ଲୋକଙ୍କ ପାଇଁ ବୋଝ ଉପରେ ନଳିତା ବିଡ଼ା ସଦୃଶ ହୋଇଛି । ପେଟ୍ରୋଲ ଦରରେ ସେଞ୍ଚୁରୀ । ଆଜି ପେଟ୍ରୋଲ ଦର ରାଜ୍ୟର ଅଧିକାଂଶ ସ୍ଥାନରେ ଶତକ ପାର କରିଛି । କାଲିମେଳାରେ ଏହା ସର୍ବାଧିକ ୧୦୬ ଟଙ୍କା ରହିଛି । ସେହିଭଳି ନବରଙ୍ଗପୁରରେ ପେଟ୍ରୋଲ ଲିଟର ପିଛା ୧୦୪ ଟଙ୍କା ୧୧ ପଇସା ରହିଛି । ଖୋର୍ଧା ଓ କଟକରେ ବି ପେଟ୍ରୋଲ ଦର ଶହେ ପାର କରିଛି ।

ଖୋର୍ଦ୍ଧାରେ ପେଟ୍ରୋଲ ଦର ୧୦୦ ଟଙ୍କା ୬ପଇସା ରହିଥିବାବେଳେ କଟକରେ ପେଟ୍ରୋଲ ଦର ଲିଟର ପିଛା ୧୦୦ ଟଙ୍କା ୨୭ ପଇସା ରହିଛି । ଅନ୍ୟ ସହରରେ ବି ପେଟ୍ରୋଲ ଶତକ ପାର କରିଛି । ପେଟ୍ରୋଲ ଦରରେ ଲଗାତାର ଏଭଳି ବୃଦ୍ଧି ଗ୍ରାହକଙ୍କ ମଧ୍ୟରେ ଅସନ୍ତୋଷ ସୃଷ୍ଟି କରିଛି ।ଗତ କିଛି ଦିନ ହେବ ପେଟ୍ରୋଲ ଦରରେ ଲଗାତାର ବୃଦ୍ଧି ପାଇଛି । ଗାଡି ବାହାର କରିବା ପୂର୍ବରୁ ଲୋକେ ଚିନ୍ତା କରୁଛନ୍ତି । ଏପରିକି ପେଟ୍ରୋଲ ପାଇଁ ପକେଟ ଫାଙ୍କା ହୋଇଯାଉଥିବା କହିଛନ୍ତି ଲୋକେ ।