ରାଷ୍ଟ୍ରପତିଙ୍କ ଗାଁରେ ଆରମ୍ଭ ହେବ ୫-ଜି ସେବା
ରାଷ୍ଟ୍ରପତିଙ୍କ ଗାଁରେ ଆରମ୍ଭ ହେବ ୫-ଜି ସେବା
admin
ରାଇରଙ୍ଗପୁର : ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଗାଁ କୁସୁମୀ ବ୍ଳକ ପାହାଡପୁରସ୍ଥ ଏସଏଲଏସ ଟ୍ରଷ୍ଟ ପରିସରରେ ୫-ଜି ମୋବାଇଲ ସେବାର ଉଦ୍ଘାଟନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଏଥିପାଇଁ ମୋବାଇଲ ସେବା ଯୋଗାଣକାରୀ ରିଲାଏନ୍ସ କମ୍ପାନୀ ତରଫରୁ ପାହାଡପୁର ଗ୍ରାମରେ ବ୍ୟାପକ ପ୍ରସ୍ତୁତି ହୋଇଛି । ରିଲାଏନ୍ସ ଜିଓ କମ୍ପାନୀର ଉଚ୍ଚ ପଦାଧିକାରୀ ପହଞ୍ଚି ପ୍ରସ୍ତୁତି ଚଳାଇଛନ୍ତି। ଶନିବାର ପ୍ରଧାନମନ୍ତ୍ରୀ ମୋଦୀ ଓଡିଶାର ମୟୂରଭଞ୍ଜ ଜିଲାର ପାହାଡପୁର ସମେତ ଗୁଜରାଟ ଓ ଲଦାଖରେ ଏହି ୫-ଜି ସେବାର ଶୁଭ ଉଦଘାଟନ କରିବେ। ଏହାର ସିଧା ପ୍ରସାରଣ ଦେଖିବା ସହ ଏସଏଲଏସ ଟ୍ରଷ୍ଟର ଛାତ୍ରଛାତ୍ରୀ ପ୍ରଧାନମନ୍ତ୍ରୀଙ୍କ ସହ କଥାବାର୍ତ୍ତା କରିବେ। ଏଥିପାଇଁ ପାହାଡପୁର ଗ୍ରାମ ଚଳଚଞ୍ଚଳ ହୋଇପଡିଛି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଦେଶରେ ୫-ଜି ସେବା (ଇଣ୍ଡିଆ ମୋବାଇଲ କଂଗ୍ରେସ) ଉଦ୍ଘାଟନ କରିବେ। ଦିଲ୍ଲୀର ପ୍ରଗତି ମଇଦାନରେ ଇଣ୍ଡିଆ ମୋବାଇଲ କଂଗ୍ରେସ ଆୟୋଜିତ ହେଉଛି। ୧ରୁ ୪ ଅକ୍ଟୋବର ପର୍ୟ୍ୟନ୍ତ ଚାଲିବ। ଏହିଦିନ ଏୟାରଟେଲ ବାରାଣସୀ ଓ ଜିଓ ଅହମଦାବାଦରେ ୫-ଜି ସେବା ଆରମ୍ଭ କରିବେ। ଏଥିରେ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ ଓ ଗୁଜରାଟ ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲ ସଭାରେ ଉପସ୍ଥିତ ରହିବେ।
