ରେଳ ବଜେଟରେ ଓଡ଼ିଶାକୁ ପୁନର୍ବାର ଉପେକ୍ଷିତ କରାଯାଇଛି : ନିରଞ୍ଜନ ପଟ୍ଟନାୟକ
ରେଳ ବଜେଟରେ ଓଡ଼ିଶାକୁ ପୁନର୍ବାର ଉପେକ୍ଷିତ କରାଯାଇଛି : ନିରଞ୍ଜନ ପଟ୍ଟନାୟକ
admin
5522
ଭୁବନେଶ୍ୱର: ରେଳ ବଜେଟରେ ଓଡ଼ିଶାକୁ ପୁନର୍ବାର ଉପେକ୍ଷିତ କରାଯାଇଛି । ରେଳ ଅନୁଦାନ ନେଇ ନିଜର ପ୍ରତିକ୍ରିୟା ରଖିବା ଅବସରରେ ଏହା କହିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ ।
ସେ କହିଛନ୍ତି ଯେ, ଚଳିତ ଥର ରେଳ ବଜେଟରୁ ଓଡ଼ିଶା ପାଇଁ ଯାହା ଆଶା ଥିଲା ତାହା ମିଳିନାହିଁ । ନୂଆ ରେଳ ଲାଇନ କିଛି ନାହିଁ । ପୁରୁଣା ଲାଇନ ପାଇଁ ଅର୍ଥ ମିଳିଛି । ନିର୍ବାଚନକୁ ଦୃଷ୍ଟିରେ ରଖି କେନ୍ଦ୍ର ସରକାର ତାମିଲନାଡ଼ୁ ଓ ପଶ୍ଚିମବଙ୍ଗକୁ ଅଧିକ ଦେଇଛି । ଓଡ଼ିଶାର ଆବଶ୍ୟକତା ଓ ଅଭିବୃଦ୍ଧି ଦୃଷ୍ଟିରୁ ଯାହା ମିଳିବା କଥା ତାହା ମିଳିନି । କେନ୍ଦ୍ର ଆଗରେ ରାଜ୍ୟ ସରକାର ସଠିକଭାବେ ଦାବି ଉପସ୍ଥାପନା କରିନାହାନ୍ତି ବୋଲି ପିସିସି ସଭାପତି ନିରଞ୍ଜନ ପଟ୍ଟନାୟକ କହିଛନ୍ତି ।
ପୂର୍ବରୁ ରେଳ ବଜେଟ ଓଡ଼ିଶା ପାଇଁ ନୈରାଶ୍ୟଜନକ ବୋଲି ପରିବହନ ମନ୍ତ୍ରୀ ପଦ୍ମନାଭ ବେହେରା କହିଥିଲେ । ସେ କହିଥିଲେ ଯେ, ଆମେ ୭୨୦୦କୋଟି ମାଗିଥିଲୁ । ବ୍ୟୟ ବରାଦ ମାତ୍ର ୪୫୦୦କୋଟି ହୋଇଛି । ଖୋର୍ଦ୍ଧା-ବଲାଙ୍ଗୀର ପାଇଁ ୫୦୦କୋଟି ମିଶାଇ ୪୫୦୦କୋଟି ମିଳିଛି । ରେଳ ବଜେଟରେ କୌଣସି ନୂଆ ଲାଇନ ବା ନୂଆ ପ୍ରୋଜେକ୍ଟ ନାହିଁ । ପୁରୀ-କୋଣାର୍କ, ବରଗଡ଼-ନୂଆପଡ଼ା, ଯାଜପୁର-ଆରଡ଼ି ଧାମ ନାମ ନାହିଁ । ତାଳଚେର-ବିମଳାଗଡ଼ ପାଇଁ ମାତ୍ର ୧୦କୋଟି ରହିଛି ବୋଲି ପରିବହନ ମନ୍ତ୍ରୀ ପଦ୍ମନାଭ ବେହେରା କହିଥିଲେ ।
ପ୍ରକାଶ ଯେ, ଓଡ଼ିଶା ପାଇଁ ରେଳ ବଜେଟରେ ୫୫୨୮କୋଟି ଟଙ୍କା ବ୍ୟୟ ବରାଦ କରାଯାଇଛି । ଏନେଇ କେନ୍ଦ୍ର ରେଳମନ୍ତ୍ରୀ ପିୟୂଷ ଗୋଏଲ ଟ୍ୱିଟ କରି ଆଜି ସୂଚନା ଦେଇଥିଲେ । ତାଙ୍କ ସୂଚନା ଅନୁଯାୟୀ ୨୦୦୯-୧୪ ମଧ୍ୟରେ ଓଡ଼ିଶାକୁ ହାରାହାରି ୮୩୮ କୋଟି ଟଙ୍କା ଆସିଛି । ୨୦୨୧-୨୨ରେ ଅନୁଦାନ ହାର ୫୬୦% ଅଧିକ ନେଇ କେନ୍ଦ୍ର ରେଳମନ୍ତ୍ରୀ ପିୟୂଷ ଗୋଏଲ ସୂଚନା ଦେଇଛନ୍ତି । ନୂଆ ରେଳ ପଥ, ଗେଜ ପରିବତ୍ତ;ନ ଓ ଦୋହରୀକରଣ ଲାଗି ୩୯ଟି ପ୍ରକଳ୍ପ ମଞ୍ଜୁର କରାଯାଇଛି । ୩୯ଟି ପ୍ରକଳ୍ପରେ ୪୮୭୭ କିମି ପାଇଁ ମୋଟ ୬୧,୯୪୯ କୋଟି ଟଙ୍କା ଖର୍ଚ୍ଚ ହେବ ବୋଲି କେନ୍ଦ୍ର ରେଳମନ୍ତ୍ରୀ ପିୟୂଷ ଗୋଏଲ ଟ୍ୱିଟ କରି ସୂଚନା ଦେଇଥିଲେ ।
