ସାମ୍ବାଦିକମାନଙ୍କୁ ୨୦ହଜାର ଟଙ୍କା କରୋନା ସହାୟତା ଘୋଷଣା ନେଇ ଓଡିଶା ପ୍ରେସ୍ ଏକାଡେମୀର ଦାବି ।
ସାମ୍ବାଦିକମାନଙ୍କୁ ୨୦ହଜାର ଟଙ୍କା କରୋନା ସହାୟତା ଘୋଷଣା ନେଇ ଓଡିଶା ପ୍ରେସ୍ ଏକାଡେମୀର ଦାବି ।
admin
5899
ସାରା ବିଶ୍ୱରେ ଏବେ କରୋନା ତାର କରାଳ ରୂପ ଧାରଣ କରିଛି । ରାଜ୍ୟରେ ମଧ୍ୟ ଧିରେ ଧିରେ କାୟା ମେଲାଇବାରେ ଲାଗିଛି କରୋନା । କରୋନାର ପ୍ରଭାବ ସମସ୍ତଙ୍କ ଉପରେ ପଡିଥିବାବେଳେ ବେଶୀ ପ୍ରଭାବିତ ହୋଇଛନ୍ତି ବେସରକାରୀ ସଂସ୍ଥା ଓ କର୍ମଚାରୀ । ତେବେ ପ୍ରଶ୍ନ ଉଠୁଛି, ଯଦି ସରକାର ସମସ୍ତଙ୍କୁ ସହାୟତା ପ୍ରଦାନ କରୁଛନ୍ତି । ତେବେ କରୋନା ଯୋଦ୍ଧା ଭାବେ ପରିଚିତ ସମ୍ବିଧାନର ଚତୁର୍ଥ ସ୍ତମ୍ଭ ସାମ୍ବାଦିକମାନଙ୍କୁ କାହିଁକି ଏବେ ପର୍ଯ୍ୟନ୍ତ ସହାୟତା ରାଶି ଘୋଷଣା କରାଯାଇନି ? ପ୍ରତିଦିନ ସରକାର ଯେଉଁ ସାମ୍ବାଦିକମାନଙ୍କ ମାଧ୍ୟମରେ ବାହା ବାହା ସାଉଁଟୁଛନ୍ତି କ’ଣ ସରକାର ଭୁଲିଗଲେ କି ସେମାନଙ୍କୁ ? ଏଭଳି ପ୍ରଶ୍ନ କରିଛନ୍ତି ଓଡିଶା ପ୍ରେସ୍ ଏକାଡେମୀର କିଛି ମେମ୍ବର ।
ସୂଚନା ମୁତାବକ ୨୫ବର୍ଷ ତଳେ ଭୁବନେଶ୍ୱରଠାରେ ଆରମ୍ଭ ହୋଇଥିବା ଓଡିଶା ପ୍ରେସ୍ ଏକାଡେମୀର ୨୫ତମ ସ୍ୱନକ୍ଷେତ୍ର ଅବସରରେ ବରିଷ୍ଠ କଂଗ୍ରେସ ନେତା ଡ. ଆର୍ଯ୍ୟ କୁମାର ଜ୍ଞାନେନ୍ଦ୍ର କହିଛନ୍ତି କି ସହର ଓ ଗ୍ରାମାଂଳରେ ସାମ୍ବାଦିକମାନେ ଜୀବନକୁ ବାଜି ଲଗାଇ କାର୍ଯ୍ୟ କରୁଛନ୍ତି । ସରକାର ଏ ପରିସ୍ଥିତିରେ ସେମାନଙ୍କ ପରିବାର ପ୍ରତି ଦୃଷ୍ଟି ଦେବା ସହିତ ସେମାନଙ୍କୁ ଆର୍ଥôକ ଦୃଷ୍ଟିକୋଣରୁ ଦୁର୍ବଳ ସହର ଓ ଗ୍ରାମାଂଚଳର ସାମ୍ବାଦିକମାନଙ୍କୁ ଅନୁନ୍ୟ ୨୦ହଜାର ଟଙ୍କା ଦେବା ପାଇଁ ସରକାରଙ୍କ ପାଖରେ ଦାବି କରିଛନ୍ତି । ଏହାସହିତ ପେନସନ ବ୍ୟବସ୍ଥା କରିବାକୁ ପୂର୍ବତନ ମନ୍ତ୍ରୀ ତଥା ସାସଂଦ ନଗେନ୍ଦ୍ର କୁମାର ପ୍ରଧାନ ମଧ୍ୟ ଦାବି କରିଛନ୍ତି ।
ଏହି କାର୍ଯ୍ୟକ୍ରମଟିକୁ ଏକାଡେମୀର ପ୍ରତିଷ୍ଠାତା ତଥା ସଂଜୟ କୁମାର ପ୍ରଧାନ ପରିଚାଳନା କରିଥିବାବେଳେ ବରିଷ୍ଠ ସାମ୍ବାଦିକ ତଥା ଓଡିଶା ପତ୍ରକାର ସଂଘର ସଭାପତି ଅବିନାଶ ମିଶ୍ର ସମସ୍ତ ଗଣମାଧ୍ୟମରେ ଥିବା ସାମ୍ବାଦିକମାନଙ୍କ ଅଭାବ ଅସୁବିଧା ବିଷୟରେ ଆଲୋଚନା କରିଥିଲେ । ଏହି କାର୍ଯ୍ୟକ୍ରମରେ ବରିଷ୍ଠ ସାମ୍ବାଦିକ ବୈଷ୍ଣବ ଜେନା, ବଳରାମ ପ୍ରସାଦ ନନ୍ଦ, ତୁଷାର ପଟ୍ଟନାୟକ, ଆଲଫା ରାୟ ପ୍ରମୁଖ ଯୋଗଦେଇଥିଲେ । ପରିଶେଷରେ ସଂପାଦିକା ରୀତାଞ୍ଜଳି ଆଚାର୍ଯ୍ୟ ଧନ୍ୟବାଦ କରିଥିଲେ ।
