ସୁଶାନ୍ତ ସିଂ ରାଜପୁତ ମାମଲା : ସେପ୍ଟେମ୍ବର ୧୭ରେ ହେବ ପର୍ଦ୍ଧାଫାଶ
ସୁଶାନ୍ତ ସିଂ ରାଜପୁତ ମାମଲା : ସେପ୍ଟେମ୍ବର ୧୭ରେ ହେବ ପର୍ଦ୍ଧାଫାଶ
admin
6106
ମୁମ୍ବାଇ : ସୁଶାନ୍ତ ସିଂ ରାଜପୁତ ମାମଲାର ସିବିଆଇ ତଦନ୍ତ ଜୋରଦାର ଚାଲିଛି । ତେବେ ସୁଶାନ୍ତ ଆତ୍ମହତ୍ୟା କରିଛନ୍ତି ନା ତାଙ୍କୁ ହତ୍ୟା କରାଯାଇଛି ସେନେଇ ସିବିଆଇ ଏବେବି ସ୍ପଷ୍ଟ ହୋଇପାରୁନାହିଁ । ହତ୍ୟା ସଂକ୍ରାନ୍ତରେ ଗୋଟିଏ ବି ପ୍ରମାଣ ପାଇନାହିଁ । ସିବିଆଇ ଏଯାଏଁ ମାମଲାରେ କାହାକୁ ଗିରଫ କରିନଥିବାବେଳେ ଅପରପକ୍ଷରେ ବେଆଇନ ନିଶା କାରବାର ପାଇଁ ସୁଶାନ୍ତଙ୍କ ବାନ୍ଧବୀ ରିୟା ଚକ୍ରବର୍ତୀ, ତାଙ୍କ ଭାଇ ସୌଭିକ ଚକ୍ରବର୍ତୀଙ୍କ ସମେତ ଅନ୍ୟ କେତେକଙ୍କୁ ଗିରଫ କରାଯାଇଛି । ତେବେ ଖୁବଶୀଘ୍ର ସୁଶାନ୍ତ ସିଂହ ରାଜପୁତଙ୍କ ମାମଲାର ପର୍ଦ୍ଧାଫାଶ ହେବ । ସେ ଆତ୍ମହତ୍ୟା କରିଛନ୍ତି ନା ତାଙ୍କୁ ହତ୍ୟା କରାଯାଇଛି ତାହା ସ୍ପଷ୍ଟ ହୋଇଯିବ । ପ୍ରଥମେ ଏହି ମାମଲାର ତଦନ୍ତ ମୁମ୍ବାଇ ପୁଲିସ କରୁଥିବାବେଳେ ଏବେ ସିବିଆଇ ଭିନ୍ନ ଭିନ୍ନ କଥାକୁ ବିଚାରକୁ ନେଇ ତଦନ୍ତ ଆଗକୁ ନେଇଛି । ତେବେ ସବୁକିଛି ଫରେନସିକ ରିପୋର୍ଟ ଉପରେ ନିର୍ଭର କରୁଛି । ଏମସର ଏକ ଟିମ ଏହି ରିପୋର୍ଟ ପ୍ରସ୍ତୁତ କରୁଛନ୍ତି । ଜାତୀୟ ଗଣମାଧ୍ୟମରେ ପ୍ରକାଶିତ ଖବର ଅନୁଯାୟୀ, ସେପ୍ଟେମ୍ବର ୧୭ରେ ମେଡ଼ିକାଲ ବୋଡର଼୍ ବୈଠକରେ କମିଟି ରିପୋର୍ଟ ଉପସ୍ଥାପିତ କରିବ । ଏହି ରିପୋର୍ଟରେ ହିଁ ସବୁକିଛି ସ୍ପଷ୍ଟ ହୋଇଯିବ । ଫରେନ୍ସିକ ରିପୋର୍ଟ ଆସିବା ପରେ ତାହାକୁ ହିଁ ମୁଖ୍ୟ ପ୍ରମାଣ ବୋଲି ଗ୍ରହଣ କରାଯିବ ବୋଲି ଜାଣିବାକୁ ମିଳିଛି ।
