ସୁଶାନ୍ତଙ୍କ ବନ୍ଧୁ ସୁନୀଲଙ୍କ ଦାବି:ଷଡ଼ଯନ୍ତ୍ରରେ ଦୁଇ ଜଣ ‘ଡ୍ୟାଡି’ଙ୍କ ହାତ
ସୁଶାନ୍ତଙ୍କ ବନ୍ଧୁ ସୁନୀଲଙ୍କ ଦାବି:ଷଡ଼ଯନ୍ତ୍ରରେ ଦୁଇ ଜଣ ‘ଡ୍ୟାଡି’ଙ୍କ ହାତ
admin
4567
ସୁଶାନ୍ତ ସିଂହ ରାଜପୁତଙ୍କ ମୃତୁ୍ୟ ମାମଲାରେ ଏବେ ତାଙ୍କ ବନ୍ଧୁ ତଥା ଜିମ ପାର୍ଟନର ସୁନୀଲ ଶୁକ୍ଳା ନୂଆ ଦାବି କରିଛନ୍ତି । ଏକ ନୁ୍ୟଚ ଚ୍ୟାନେଲ ସହ କଥାବାର୍ତ୍ତା ବେଳେ ସେ କହିଛନ୍ତି ସୁଶାନ୍ତ ଆତ୍ମହତ୍ୟା କରିନାହାନ୍ତି । ବରଂ ତାଙ୍କୁ ହତ୍ୟା କରାଯାଇଛି । ହତ୍ୟା ଷଡଯନ୍ତ୍ରରେ ଦୁଇଜଣ ଡ୍ୟାଡିଙ୍କ ହାତ ରହିଛି । ଏହି ଦୁଇଜଣ ଡ୍ୟାଡି (ପିତା) ହେଉଛନ୍ତି ରିୟାଙ୍କ ପିତା ଇନ୍ଦ୍ରଜିତ ଚକ୍ରବର୍ତ୍ତୀ ଏବଂ ଚଳଚ୍ଚିତ୍ର ନିର୍ମାତା ମହେଶ ଭଟ୍ଟ ।
ସୁନୀଲ ଆହୁରି କହିଛନ୍ତି, ଦୁଇ ଜଣ ପିତା ଷଡଯନ୍ତ୍ର ରଚିଥିଲେ । ରିୟାଙ୍କ ଜୈବିକ ପିତା ଅର୍ଥାତ ଶ୍ରୀଯୁକ୍ତ ଚକ୍ରବର୍ତ୍ତୀ ଏବଂ ଅନ୍ୟ ଜଣକ ହେଉଛନ୍ତି ‘ସୁଗାର’ ଡ୍ୟାଡି ଅର୍ଥାତ ମହେଶ ଭଟ୍ଟ । ତାଙ୍କ ଦାବିକୁ ପ୍ରମାଣିତ କରିବା ପାଇଁ ଦୁଇଜଣଙ୍କର ନାର୍କୋ ଟେଷ୍ଟ ନିମନ୍ତେ ସେ କହିଛନ୍ତି । ସୁନୀଲଙ୍କ ମୁତାବକ ଇନ୍ଦ୍ରଜିତ ଚକ୍ରବର୍ତ୍ତୀ ଝିଅ ରିୟାଙ୍କ ଜରିଆରେ ସୁଶାନ୍ତଙ୍କୁ ଔଷଧ ଦେଉଥିଲେ । ଜୁନ ୮ରେ ରିୟା ସୁଶାନ୍ତଙ୍କ ଘର ଛାଡ଼ିବା ପରେ ଆଉ କିଛି ଲୋକ ତାଙ୍କୁ ଔଷଧ ଯୋଗାଉଥିଲେ । ଏମାନଙ୍କ ମଧ୍ୟରେ ସଞ୍ଜୟ, ନିରଜ କିମ୍ବା ସଦ୍ଧାର୍ଥ ରହିଥାଇପାରନ୍ତି । ସୁଶାନ୍ତ କଦାପି ବିଷାଦଗ୍ରସ୍ତ ନଥିଲେ । ରିୟାଙ୍କୁ ବିଶ୍ୱାସ କରି ସେ ଔଷଧ ଗ୍ରହଣ କରୁଥିଲେ ।
ସେ ଆହୁରି କହିଛନ୍ତି, ସୁଶାନ୍ତ ଏବଂ ମୁଁ ଅଧିକାଂଶ ସମୟରେ ପରସ୍ପରକୁ ଭେଟିଥାଉ । ଜିମରେ ଏକାଠି ୱାର୍କଆଉଟ କରିଥାଉ । ତାଙ୍କର ମାନସିକ ସ୍ଥିତି ଏକଦମ ଠିକ୍ ଥିଲା ଏବଂ ସେ ମଲଟିଭିଟାମିନ ସପ୍ଲିମେଣ୍ଟ ନେଉଥିଲେ । ଅନ୍ୟ ପକ୍ଷରେ ତାଙ୍କୁ ଚଳଚ୍ଚିତ୍ର ଶିଳ୍ପରେ ବାରମ୍ବାର ପ୍ରତାରଣା ଦିଆଯାଉଥିଲା । ତାଙ୍କ ଫିଲ୍ମ କ୍ୟାରିୟର ଶେଷ କରିବା ପାଇଁ କିଛି ଲୋକ ଉଦ୍ୟମ ଚଳାଇଥିଲେ । ଏକ ଆୱାର୍ଡ ସୋରେ ଶାହାରୁଖ ଖାନ ତାଙ୍କୁ ଷ୍ଟେଜକୁ ଡାକିଥିଲେ ଏବଂ ଅପମାନ ଦେଇଥିଲେ । ଅଭିନେତା ସଲମାନ ଖାନ ଓ କରନ ଜୋହର ମିଶି ତାଙ୍କୁ ବରବାଦ କରିଦେବାକୁ ଷଡଯନ୍ତ୍ର ରଚିଥିଲେ ବୋଲି ସୁନୀଲ କହିଛନ୍ତି ।
