୨ ଦିନ ବନ୍ଦ ରହିବ ଶିମିଳିପାଳ

Dec 3, 2021 - 07:11 Updated: Dec 3, 2021 - 07:11

2894

ଭୁବନେଶ୍ୱର: ହୁ ହୁ ହୋଇ ମାଡ଼ି ଆସୁଛି ବାତ୍ୟା ଜୱାଦ । ସାମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ଦୁଇ ଦିନ ଶିମିଳିପାଳ ବନ୍ଦ କରିବାକୁ ନିଷ୍ପତ୍ତି ନିଆଯାଇଛି । କାଲିଠାରୁ ପର୍ଯ୍ୟଟକଙ୍କ ପାଇଁ ଦୁଇ ଦିନ ବନ୍ଦ ରହିବ ଶିମିଳିପାଳ । ଉତ୍ତର ଶିମିଳିପାଳ ଡେପୁଟି ଡାଇରେକ୍ଟର ଏହି ସୂଚନା ଦେଇଛନ୍ତି ।

ସୂଚନା ଅନୁସାରେ ନଭେମ୍ବର ୧ରୁ ପର୍ଯ୍ୟଟକଙ୍କ ପାଇଁ ଶିମିଳିପାଳ ଅଭୟାରଣ୍ୟ ଖୋଲିଥିଲା । ସକାଳ ୬ ଟାରୁ ୯ଟା ମଧ୍ୟରେ ପର୍ଯ୍ୟଟକମାନେ ଯଶୀପୁର ପଟୁ କଳିଆଣି ଓ ବାରିପଦା ପଟୁ ପିଠାବଟା ଦେଇ ଥିବା ଦୁଇଟି ତନଖି ଫାଟକ ଦ୍ୱାରା ଶିମିଳିପାଳ ଭିତରକୁ ଯାଉଥିଲେ । ଶିମିଳିପାଳକୁ ଜିରୋ ପ୍ଲାଷ୍ଟିକ ଜୋନ୍ କରିବା ପାଇଁ ନୂଆ ପନ୍ଥା ଆପଣାଯାଇଛି । ପର୍ଯ୍ୟଟକଙ୍କୁ କୌଣସି ପ୍ଲାଷ୍ଟିକ ଉପକରଣ, ପଲିଥିନ୍ କିମ୍ବା ପାଣି ବୋତଲ ନେଇ ଭିତରକୁ ପ୍ରବେଶ କରିବା ଉପରେ ମଧ୍ୟ କଟକଣା ଜାରି କରାଯାଇଛି ।