୩୦ ଜିଲ୍ଲାରେ ହେବ ସାମାଜିକ ସୁରକ୍ଷା ଭିତିଭୂମି ପ୍ରକଳ୍ପ
୩୦ ଜିଲ୍ଲାରେ ହେବ ସାମାଜିକ ସୁରକ୍ଷା ଭିତିଭୂମି ପ୍ରକଳ୍ପ
admin
1849
ଭୁବନେଶ୍ୱର : ୫ଟି କାର୍ଯ୍ୟକ୍ରମ ଅଧିନରେ ରାଜ୍ୟର ୩୦ ଜିଲ୍ଲାରେ ପର୍ଯ୍ୟାୟକ୍ରମେ ସାମାଜିକ ସୁରକ୍ଷା ଭିତିଭୂମି ପ୍ରକଳ୍ପ ନିର୍ମାଣ କରାଯିବ । ପ୍ରଥମ ପର୍ଯ୍ୟାୟରେ ୧୦ଟି ଜିଲ୍ଲାରେ ପ୍ରକଳ୍ପ ନିର୍ମାଣ କରାଯାଉଥିବାବେଳେ ରାଜ୍ୟ ବଜେଟରୁ ୯ ଜିଲ୍ଲା ଯଥା, ଖୋର୍ଦ୍ଧା, କଟକ, ପୁରୀ, କନ୍ଧମାଳ, ସମ୍ବଲପୁର, ଭଦ୍ରକ, ମାଲକାନାଗିରି, ଗଞ୍ଜାମ ଏବଂ ନବରଙ୍ଗପୁର ତଥା ଜିଲ୍ଲା ଖଣିଜ ଫାଉଣ୍ଡେସନ ଅର୍ଥରେ ସୁନ୍ଦରଗଡ଼ ଜିଲ୍ଳାରେ ବ୍ୟୟବରାଦ କରାଯାଇଛି । ସେହିପରି ୮ଟି ଡିଏମଏଫ ଜିଲ୍ଲାରେ ପ୍ରକଳ୍ପ କାର୍ଯ୍ୟ ତ୍ୱରାନ୍ୱିତ କରିବାକୁ ସଂପୃକ୍ତ ଜିଲ୍ଲାମାନଙ୍କୁ ନିଦେ୍ର୍ଧଶ ଦିଆଯାଇଛି । ଅନ୍ୟ ୧୨ ଜିଲ୍ଲାରେ ଦ୍ୱିତୀୟ ପର୍ଯ୍ୟାୟରେ ପ୍ରକଳ୍ପ ନିର୍ମାଣ କାର୍ଯ୍ୟ ୨୦୨୨-୨୩ ଆର୍ଥିକ ବର୍ଷ ଠାରୁ ଆରମ୍ଭ କରିବାକୁ ନିଷ୍ପତି ନିଆଯାଇଛି । ଏହିସବୁ ପ୍ରକଳ୍ପଗୁଡ଼ିକ ଉକôର୍ଷ କେନ୍ଦ୍ର ଭାବେ ବିକଶିତ କରାଯିବ । ଯେଉଁଥିରେ ଜରା ନିବାସ, ନିରାଶ୍ରୟଙ୍କ ପାଇଁ ଆବାସିକ ବ୍ୟବସ୍ଥା, ଭୌତିକ ଚିକିତ୍ସା କେନ୍ଦ୍ର, ଚିକିତ୍ସା ବିଭାଗ ପୁନର୍ବାସ କେନ୍ଦ୍ର, ଦୃଷ୍ଟି ବାଧିତ, ଶ୍ରବଣ ବାଧିତ ଓ ମାନସିକ ଭିନ୍ନକ୍ଷମମାନଙ୍କ ପାଇଁ ସ୍ୱତନ୍ତ୍ର ବିଦ୍ୟାଳୟ ବି ସ୍ଥାପନ କରାଯିବ । ଏହାଛଡ଼ା କ୍ରୀଡ଼ା ପାଇଁ ଆବଶ୍ୟକୀୟ ବ୍ୟବସ୍ଥା, ସାଂସ୍କୃତିକ କେନ୍ଦ୍ର ଏବଂ ଅତିରିକ୍ତ ପାଠ୍ୟକ୍ରମ ସୁବିଧା ବି ରହିବ । ଏହି ପ୍ରସ୍ତାବକୁ ମଧ୍ୟ କ୍ୟାବିନେଟ ମଂଜୁରୀ ପ୍ରଦାନ କରିଛନ୍ତି ।
