୩୦ରେ ଶପଥ ଗ୍ରହଣ କରିବେ ମୋଦୀ
୩୦ରେ ଶପଥ ଗ୍ରହଣ କରିବେ ମୋଦୀ
admin
5585
ନୂଆଦିଲ୍ଲୀ: ବିପୁଳ ବିଜୟ ସହିତ ଲଗାତାର ଦ୍ୱିତୀୟ ଥର ପାଇଁ କ୍ଷମତାକୁ ଆସିଥିବା ନରେନ୍ଦ୍ର ମୋଦୀ ଆସନ୍ତା ୩୦ ତାରିଖ ସଂଧ୍ୟା ୭ଟାରେ ପ୍ରଧାନମନ୍ତ୍ରୀ ଭାବେ ଶପଥ ଗ୍ରହଣ କରିବେ । ମୋଦୀଙ୍କ ସହ ତାଙ୍କ ନୂତନ ମନ୍ତ୍ରୀମଣ୍ଡଳର ସଦସ୍ୟ ମାନେ ମଧ୍ୟ ପଦ ଓ ଗୋପନୀୟତାର ଶପଥ ନେବେ । ରାଷ୍ଟ୍ରପତି ଭବନ ପକ୍ଷରୁ ରବିବାର ସଂଧ୍ୟାରେ ଜାରି ବୟାନରେ କୁହାଯାଇଛି ଯେ ପ୍ରଧାନମନ୍ତ୍ରୀ ଏବେ କେନ୍ଦ୍ର ମନ୍ତ୍ରୀମଣ୍ଡଳର ଅନ୍ୟ ସଦସ୍ୟମାନେ ୩୦ ତାରିଖ ସଂଢ଼ଧ୍ୟା ୭ଟାରେ ରାଷ୍ଟ୍ରପତି ଭବନରେ ଶପଥ ଗ୍ରହଣ କରିବେ । ମୋଦୀଙ୍କ ନେତୃତ୍ୱରେ ୨୦୧୯ ଲୋକସଭା ନିର୍ବାଚନରେ ବିଜେପି ୨୦୧୪ ନିର୍ବାଚନ ଠାରୁ ମଧ୍ୟ ବଡ ବିଜୟ ହାସଲ କରିଥିଲା । ନିର୍ବାଚନ ହୋଇଥିବା ୫୪୨ ଆସନରୁ କେବଳ ବିଜେପି ଏକାକୀ ୩୦୩ ଆସନ ଦାଖଲ କରିଛି । ବିଜେପି ନେତୃତ୍ୱାଧିନ ଏନଡିଏ ମେଂଟକୁ ମୋଟ ୩୫୩ଟି ଆସନ ମିଳିଛି । ଏବେ କେଉଁମାନେ ମନ୍ତ୍ରୀ ମଣ୍ଡଳରେ ସ୍ଥାନ ପାଇବେ ସେ ନେଇ କଳ୍ପନା ଜଳ୍ପନା ଆରମ୍ଭ ହୋଇଯାଇଛି । ମୋଦୀଙ୍କ ପ୍ରଥମ କାର୍ଯ୍ୟକାଳରେ ବିଦେଶ ମନ୍ତ୍ରୀ ସୁଷମା ସ୍ୱରାଜ ସ୍ୱାସ୍ଥ୍ୟଗତ କାରଣରୁ ଏଥର ନିର୍ବାଚନ ଲଢ଼ି ନଥିଲେ । ଅନ୍ୟପକ୍ଷରେ ଅର୍ଥମନ୍ତ୍ରୀ ଅରୁଣ ଜେଟିଲଙ୍କ ସ୍ୱାସ୍ଥ୍ୟ ସମସ୍ୟା ଲାଗି ରହିଛି । ଏଭଳି ସ୍ଥଳରେ ନୂଆ ମନ୍ତ୍ରୀମଣ୍ଡଳରେ ଏହି ଦୁଇ ବରିଷ୍ଠ ନେତା ରହିବେ ନାହିଁ ବୋଲି ଜଣାପଡିଛି । ବିଜେପି ଅଧ୍ୟକ୍ଷ ଅମିତ ଶାହାଙ୍କୁ ମନ୍ତ୍ରୀମଣ୍ଡଳରେ ସାମିଲ କରାଯିବା ନେଇ ଚର୍ଚ୍ଚା ଜୋର ଧରିଛି ।
