୬ ମାସ ପରେ ଖୋଲିଲା ବୈଷ୍ଣୋଦେବୀ ମନ୍ଦିର, ଦର୍ଶନ ପାଇଁ ଅନଲାଇନ ପଞ୍ଜୀକରଣ
୬ ମାସ ପରେ ଖୋଲିଲା ବୈଷ୍ଣୋଦେବୀ ମନ୍ଦିର, ଦର୍ଶନ ପାଇଁ ଅନଲାଇନ ପଞ୍ଜୀକରଣ
admin
1807
ଶ୍ରୀନଗର : କରୋନା କାଳରେ ସାଧାରଣ ଭକ୍ତଙ୍କ ପାଇଁ ପାଖାପାଖି ୬ ମାସ ମନ୍ଦ ରହିବ ପରେ ରବିବାର ମାତା ବୈଷ୍ଣୋଦେବୀ ମନ୍ଦିର ଖୋଲିଛି । ତେବେ ପ୍ରଥମ କରି ଦିନକୁ ୨,୦୦୦ ଲୋକ ମାଆଙ୍କ ଦର୍ଶନ କରିପାରିବେ । କରୋନା ପୂର୍ବରୁ ଦିନକୁ ୫୦ ରୁ ୬୦,୦୦୦ ଲୋକ ଦର୍ଶନ କରିବାକୁ ସୁଯୋଗ ପାଉଥିଲେ । ବୈଷ୍ଣୋଦେବୀ ମନ୍ଦିର ଜମ୍ମୁ କାଶ୍ମୀରରେ ତି୍ରକୁଟା ପାହାଡ଼ରେ ଅବସ୍ଥିତ । ମନ୍ଦିର ପାଖାପାଖି ୫,୨୦୦ ଫୁଟ ଉଚ୍ଚରେ ରହିଛି । ଜମ୍ମୁଠାରୁ ୬୧ କିମି ଏବଂ କଟରାରୁ ଏହା ୧୩ କିଲୋମିଟର ଦୂରରେ ଅଛି । ବୈଷ୍ଣୋଦେବୀ ନିଜର ତିନି ପିଣ୍ଡି ଯଥା ଦେବୀ କାଳୀ, ଦେବୀ ସରସ୍ୱତୀ ଏବଂ ଦେବୀ ଲକ୍ଷ୍ମୀଙ୍କ ରୂପରେ ଗୁମ୍ଫାରେ ବିରାଜମାନ । ନିଷ୍ପତ୍ତି ମୁତାବକ ଯାତ୍ରା ଆରମ୍ଭ ହେବା ପରେ ପ୍ରଥମ ସପ୍ତାହରେ ଦିନକୁ ୧୯୦୦ ଭକ୍ତ ଜମ୍ମୁ କାଶ୍ମୀରରୁ ଓ ଅନ୍ୟ ରାଜ୍ୟ ଗୁଡ଼ିକରୁ ଆଉ ୧୦୦ ଭକ୍ତଙ୍କୁ ଦର୍ଶନ ପାଇଁ ଅନୁମତି ମିଳିବ । ଶ୍ରୀମାତା ବୈଷ୍ଣୋଦେବୀ ସ୍ରାଇନ ବୋର୍ଡର ସିଇଓ ରମେଶ କୁମାରଙ୍କ ମୁତାବକ ଯାତ୍ରା ରବିବାର ଆରମ୍ଭ ହେବା ପରେ ଭକ୍ତମାନେ ଅନଲାଇନରେ ପଞ୍ଚୀକରଣ କରାଇପାରିବେ । ସବୁ ଭକ୍ତ ନିଜ ମୋବାଇଲ ଫୋନରେ ଆରୋଗ୍ୟ ସେତୁ ଆପ୍ଲିକେସନ ଡାଉନଲୋଡ କରିବା ବାଧ୍ୟତାମୂଳକ ହେବ । ମାସ୍କ, ସାମାଜିକ ଦୂରତା ଓ ସାନିଟାଇଜେସନକୁ ଧ୍ୟାନରେ ରଖାଯିବ । ଯାତ୍ରୀମାନଙ୍କର ଥର୍ମାଲ ସ୍କି୍ରନିଂ ବି ହେବ । ୧୦ ବର୍ଷରୁ କମ୍ ବୟସର ପିଲା, ଗର୍ଭବତୀ ମହିଳା ଏବଂ ୬୦ ରୁ ଅଧିକ ବୟସର ଲୋକଙ୍କୁ ଦର୍ଶନ ପାଇଁ ଅନୁମତି ମିଳିବ ନାହିଁ । କରୋନା ଲକ୍ଷଣ ଦେଖାଯିବା ମାତ୍ରେ ସମ୍ପୃକ୍ତ ବ୍ୟକ୍ତିଙ୍କୁ ଦର୍ଶନ ଅନୁମତି ମିଳିବ ନାହିଁ ।
