ଏମିତି ଏକ ସଡକ ଦୁର୍ଘଟଣା, ଯେଉଁଥିରେ କ୍ଷତି ହୋଇଛି ୩୦ କୋଟି ଟଙ୍କା
ଏମିତି ଏକ ସଡକ ଦୁର୍ଘଟଣା, ଯେଉଁଥିରେ କ୍ଷତି ହୋଇଛି ୩୦ କୋଟି ଟଙ୍କା
admin
1896
ମୁମ୍ବାଇ : ସଡକ ଦୁର୍ଘଟଣାରେ ପ୍ରଭୃତ କ୍ଷତି ଘଟିଥାଏ । ତେବେ ସ୍ୱିଜରଲ୍ୟାଣ୍ଡରେ ଏମିତି ଏକ ଦୁର୍ଘଟଣା ଘଟିଯାଇଛି ଯେଉଁଥିରେ ପ୍ରାୟ ୩୦ କୋଟି ଟଙ୍କାର କ୍ଷତି ଘଟିଛି । ସ୍ୱିଜରଲ୍ୟାଣ୍ଡର କାଣ୍ଟନ ଉରି ଅଞ୍ଚଳରେ ଘଟିଥିବା ଏହି ଦୁର୍ଘଟଣା କାରଣରୁ ପ୍ରାୟ ୩୦ କୋଟି ଟଙ୍କାର କ୍ଷତି ଘଟିଛି । କାଣ୍ଟନ ଉରିର ଗଟହାର୍ଡ ପ୍ୟାରିସ୍ ଅଞ୍ଚଳରେ ଏକ ମୋଟର ହୋମ୍କୁ ଅତିକ୍ରମ କରୁଥିବା ସମୟରେ ଏହି ଦୁର୍ଘଟଣା ଘଟିଥିଲା । ମୋଟର ହୋମ୍ ସହିତ ଏକ ମର୍ସିଡେଜ୍ ବେଞ୍ଜ ସି କ୍ଲାସ, ପୋର୍ସେ ୯୧୧ଏବଂ ବୁଗାଟି ଚିରନ୍ ମଧ୍ୟରେ ଦୁର୍ଘଟଣା ଘଟିଥିଲା । ଦୁର୍ଘଟଣାରେ ପ୍ରାୟ ୪୦ ଲକ୍ଷ ଡଲାରର କ୍ଷତି ଘଟିଥିଲା ଯାହାର ଭାରତୀୟ ମୂଲ୍ୟ ୨୯ କୋଟି ୮୫ ଲକ୍ଷ ଟଙ୍କା ବୋଲି ଜଣାପଡିଛି । ମୋଟର ହୋମକୁ ଅତିକ୍ରମ କରିବାକୁ ବୁଗାଟି ଏବଂ ପୋର୍ସେ କାର ଚାଳକ ଚେଷ୍ଟା କରୁଥିବା ସମୟରେ ମୋଟର ହୋମଟି ନିଜର ବେଗ କମ କରି ଦେବାରୁ ଏହି ଦୁର୍ଘଟଣା ଘଟିଥିଲା । ଏହାପରେ ବୁଗାଟି ଏବଂ ମର୍ସିଡିଜ୍ ମଧ୍ୟରେ ଧକ୍କା ହୋଇଥିବା ବେଳେ ପୋର୍ସେ କାରଟି ମୋଟର ହୋମକୁ ଧକ୍କା ଦେଇଥିଲା ।
