ଓଡ଼ିଶା ରଣଜୀ ଦଳକୁ ସାଢେ଼ ୫ ଲକ୍ଷ ଟଙ୍କା ପୁରସ୍କାର
ଓଡ଼ିଶା ରଣଜୀ ଦଳକୁ ସାଢେ଼ ୫ ଲକ୍ଷ ଟଙ୍କା ପୁରସ୍କାର
admin
1729
ଚଳିତ ରଣଜୀ ଋତୁରେ ଓଡ଼ିଶା ଲଗାତାର ତିନିଟି ମ୍ୟାଚରେ ବୋନସ ପଏଣ୍ଟ ବିଜୟ ହାସଲ କରିଥିବାରୁ ଓସିଏ ପକ୍ଷରୁ ଏଥିପାଇଁ ପୁରସ୍କାର ରାଶି ଘୋଷଣା କରାଯାଇଛି । ଦଳର ସମସ୍ତ ଖେଳାଳିଙ୍କ ସହ ଅନ୍ୟାନ୍ୟ ଅଧିକାରୀଙ୍କୁ ମୋଟ ସାଢେ଼ ପାଞ୍ଚ ଲକ୍ଷ ଟଙ୍କା ପ୍ରଦାନ କରାଯିବ । ତି୍ରପୁରା ଗସ୍ତ ପୂର୍ବରୁ ଡିସେମ୍ବର ୩୧ ତାରିଖ ରାତିରେ ବାରବାଟୀ ଷ୍ଟାଡିୟମରେ ଆୟୋଜିତ ହେବାକୁଥିବା ସ୍ୱତନ୍ତ୍ର ନୂତନ ବର୍ଷ କାର୍ଯ୍ୟକ୍ରମରେ ରଣଜୀ ଖେଳାଳୀଙ୍କୁ ପୁରସ୍କାର ରାଶି ୫ ଲକ୍ଷ ଟଙ୍କା ପ୍ରଦାନ କରାଯିବ । ଏହି ପୁରସ୍କାର ଖେଳାଳୀମାନଙ୍କୁ ଅଧିକ ଉତ୍ସାହର ସହ ଖେଳିବାକୁ ପ୍ରୋତ୍ସାହିତ କରିବ ବୋଲି ଓସିଏ ସମ୍ପାଦକ ସଂଜୟ ବେହେରା ସୂଚନା ଦେଇଛନ୍ତି । ସୂଚନା ଯୋଗ୍ୟ, ପ୍ରଥମ ମ୍ୟାଚରେ ଛତିଶଗଡ଼ ବିପକ୍ଷରେ ୩ ରନରେ ପାଳି ବିଜୟ, ଦ୍ୱିତୀୟ ମ୍ୟାଚରେ ସର୍ଭିସେସ ବିପକ୍ଷରେ ୩୧ ରନର ପାଳି ବିଜୟ ଓ ତୃତୀୟ ମ୍ୟାଚରେ ଉତ୍ତରାଖଣ୍ଡକୁ ୧୦ ୱିକେଟରେ ଓଡ଼ିଶା ପରାସ୍ତ କରି ମୋଟ ୨୧ ପଏଣ୍ଟରେ ଏଲିଟ ଗ୍ରୁପ ସି’ର ଶୀର୍ଷ ସ୍ଥାନ ବଜାୟ ରଖିଛି ।
