କୋବି ତୋଳିବାକୁ ଯାଇ ବିଦ୍ୟୁତ ଆଘାତରେ ପ୍ରାଣ ହରାଇଲେ ଦମ୍ପତି
କୋବି ତୋଳିବାକୁ ଯାଇ ବିଦ୍ୟୁତ ଆଘାତରେ ପ୍ରାଣ ହରାଇଲେ ଦମ୍ପତି
admin
5788
ହିଞ୍ଜିଳିକାଟୁ: ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ବ୍ଲକ ବୁରୁପୋଡ଼ା ଗ୍ରାମରେ ଶନିବାର ଭୋରରେ ଅଘଟଣ ଘଟିଛି । କୋବି ତୋଳିବାକୁ କିଆରୀ (ଚାଷ ଜମି) କୁ ଯାଇଥିବା ଏକ ଦମ୍ପତି ବିଲରେ ଛିଣ୍ଡି ପଡ଼ିଥିବା ବିଦୁ୍ୟତ ତାର ସଂସ୍ପର୍ଶରେ ଆସି ପ୍ରାଣ ହରାଇଛନ୍ତି । ମୃତକ ହେଲେ ବୁରୁପୋଡ଼ା ଗ୍ରାମର ହୀନ ସାମଲ (୬୫) ଓ ତାଙ୍କ ପତ୍ନୀ ବିଷ୍ଣୁ ସାମଲ (୫୫) । ଏଥି ନେଇ ଏକ ଅପମୃତୁ୍ୟ ମାମଲା ହିଞ୍ଜିଳିକାଟୁ ଥାନାରେ ରୁଜୁ ହୋଇଛି । ଦମ୍ପତିଙ୍କ ମୃତଦେହ ବ୍ରହ୍ମପୁର ବଡ଼ ଡାକ୍ତରଖାନାରେ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି । ଘଟଣା ନେଇ ଅଞ୍ଚଳରେ ଗଭୀର ଶୋକ ପ୍ରକାଶ ପାଇଛି । ଅପରପକ୍ଷେ ଏ ନେଇ ବିଦୁ୍ୟତ ବିଭାଗ (ସାଉଥକୋ) ସହକାରୀ ଯନ୍ତ୍ରୀ ଘଟଣାର ତଦନ୍ତ କରିଛନ୍ତି । ପୁଲିସ ସୂଚନା ଅନୁସାରେ ଶନିବାର ଭୋରରେ ହୀନ ଓ ତାଙ୍କ ପତ୍ନୀ ବିଷ୍ଣୁ ଚାଷ କରିଥିବା ବିଲରୁ ଫୁଲ କୋବି ତୋଳିବା ପାଇଁ ଯାଇଥିଲେ । ଉକ୍ତ ଅଞ୍ଚଳରେ ଉଠା ଜଳସେଚନ ନିମନ୍ତେ ଏଲଆଇ ପମ୍ପ ହାଉସକୁ ଯାଇଥିବା ଏଲଟି ବିଦୁ୍ୟତ ତାର ଛିଣ୍ଡି ସେମାନଙ୍କ ବିଲରେ ପଡ଼ିଥିଲା । ଭୋର ପ୍ରାୟ ୪ ଟା ବେଳେ ଅନ୍ଧାରରେ କୋବି ତୋଳୁଥିବା ବେଳେ ବିଷ୍ଣୁ ପ୍ରଥମେ ବିଦୁ୍ୟତ ତାର ସଂସ୍ପର୍ଶରେ ଆସି ଚିିକ୍ରାର କରିଥିଲେ । ତାଙ୍କୁ ଉଦ୍ଧାର କରିବାକୁ ଯାଇ ହୀନ ମଧ୍ୟ ବିଦୁ୍ୟତ ତାର ସଂସ୍ପର୍ଶରେ ଆସିଥିଲେ । ପାଖ ବିଲରେ କାମ କରୁଥିବା ଅନ୍ୟ ଚାଷୀ ଘଟଣା ସମ୍ପର୍କରେ ଜାଣିପାରି ବିଦୁ୍ୟତ ସରବରାହ ବନ୍ଦ କରି ଦମ୍ପତିକୁ ଉଦ୍ଧାର କରିଥିଲେ ।
