ଚୀନରୁ ବ୍ୟାପୁଛି ଆଉ ଏକ ଭୟଙ୍କର ଭାଇରସ : ବ୍ରସେଲୋସିସରେ ସଂକ୍ରିମତ ହେଲେଣି ୩ ହଜାର
ଚୀନରୁ ବ୍ୟାପୁଛି ଆଉ ଏକ ଭୟଙ୍କର ଭାଇରସ : ବ୍ରସେଲୋସିସରେ ସଂକ୍ରିମତ ହେଲେଣି ୩ ହଜାର
admin
6555
ଚୀନ୍ରୁ ଉହାନ ସହରରୁ ଆରମ୍ଭ ହୋଇଥିବା କରୋନା ଭାଇରସ୍ ସାରା ବିଶ୍ବରେ କୋକୁଆ ଭୟ ସୃଷ୍ଟି କରାଇଥିବାବେଳ ଏବେ ଚୀନ୍ରେ ଆଉ ଏକ ବ୍ୟାକ୍ଟେରିଆଲ୍ ରୋଗ ବ୍ୟାପୁଥିବାର ସୂଚନା ରହିଛି । ମିଳିଥିବା ଏକ ରିପୋର୍ଟ ଅନୁସାରେ ଗତ ବର୍ଷ ବାୟୋଫାର୍ମାସିଟୁକିଲ୍ କମ୍ପାନୀର ଲିକ୍ ହେତୁ ପ୍ରାୟ ହଜାର ଲୋକେ ଏହି ବ୍ୟାକ୍ଟେରିଆଲ ରୋଗର ସଂକ୍ରମଣରେ ସଂକ୍ରମିତ ହୋଇଛନ୍ତି । ଏହି ନୂତନ ସଂକ୍ରମିତ ରୋଗର ନାମ ବ୍ରସେଲୋସିସ ବା ମାଲଟା ଫିଭର । ପଶୁପକ୍ଷୀଙ୍କ ସଂସ୍ପର୍ଶ, ଲାଳ ଏବଂ ନିଶ୍ୱାସ ପ୍ରଶ୍ୱାସରେ ଏହି ରୋଗ ସଂକ୍ରମିତ ହୋଇଥାଏ ବୋଲି ରିପୋର୍ଟରେ ପ୍ରକାଶ ପାଇଛି । ଗାନ୍ସୁପ୍ରାନ୍ତର ରାଜଧାନୀ ଲଞ୍ଜୋଓର ସ୍ବାସ୍ଥ୍ୟ ଆୟୋଗର ଘୋଷଣାନୁଯାୟୀ ପ୍ରାୟ ୩ ହଜାର ୨୪୫ ଲୋକେ ଏହି ରୋଗରେଆକ୍ରାନ୍ତ ହୋଇଛନ୍ତି ।
ଝୋଙ୍ଗୁମ୍ ଲଞ୍ଜୋଓର ଜୈବିକ ଔଷଧ କାରଖାନାରେ ଲିକ୍ ହେବା ଯୋଗୁଁ ୧୧୪୦୧ଜଣ ପଜିଟିଭ୍ ଚିହ୍ନଟ ହୋଇଥିଲେ । ତେବେ ଏ ପର୍ୟ୍ୟନ୍ତ ଏହି ରୋଗରେ କେହି ମୃତ୍ୟୁବରଣ କରିଥିବାର ସୂଚନା ମିଳିପାରିନାହିଁ । ଏହି ରୋଗ ଯୋଗୁଁ ଦେହରେ ଜ୍ବର ହେବା ସହିତ ମୁଣ୍ଡ ବ୍ୟାଥା, ମାଂସପେଶୀରେ ଦରଜ, ଜର ଓ ଥକ୍କା ଲାଗିଥାଏ । ଏହି ବେମାରୀକୁ ମାଲ୍ଟା ଜ୍ବର ବୋଲି ମଧ୍ୟ ଜଣାଯାଇଥାଏ । ତେବେ ଅଧିକାଂଶ ଲୋକେ ଦୂଷିତ ଖାଦ୍ୟ ଅଥବା ନିଶ୍ବାସ ଯୋଗୁଁ ଏହି ବ୍ୟାକ୍ଟେରିଆରେ ସଂକ୍ରମିତ ହୋଇଛନ୍ତି । ତେବେ ସମ୍ପୃକ୍ତ ଔଷଧ କାରଖାନାର ଦାୟିତ୍ବହୀନତା ଯୋଗୁଁ ଏହି ରୋଗ ବ୍ୟାପିଥିବାରୁ ସମ୍ପୃକ୍ତ କାରଖାନା ଉପରେ କଡା କାର୍ୟ୍ୟାନୁଷ୍ଠାନ ଗ୍ରହଣ କରାଯିବାସହ ଏହି ମାମଲାରେ ୮ଜଣଙ୍କୁ ଦଣ୍ଡିତ ମଧ୍ୟ କରାଯାଇଛି ।
