ବିଜୁଳି ନେଇଗଲା ବାପ ପୁଅଙ୍କ ଜୀବନ
ବିଜୁଳି ନେଇଗଲା ବାପ ପୁଅଙ୍କ ଜୀବନ
admin
5899
ବୌଦ୍ଧ: ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ସାମ୍ପୋଚ ପଞ୍ଚାୟତ ହରେକୃଷ୍ଣପୁର ଗ୍ରାମରେ ବିଦୁ୍ୟତ ସଂସ୍ପର୍ଶରେ ଆସି ଗୋଟିଏ ପରିବାରର ବାପ ପୁଅଙ୍କର ମୃତୁ୍ୟ ହୋଇଛି । ଏକଥା ଜଣାପଡ଼ିବା ପରେ ସ୍ଥାନୀୟ ଅଞ୍ଚଳରେ ଗଭୀର ଶୋକ ପ୍ରକାଶ ପାଇଛି । ଶୁକ୍ରବାର ଅପରାହ୍ନ ପ୍ରାୟ ୩ଟା ବେଳେ ବର୍ଷା ହେଉଥିବା ସମୟରେ ଗ୍ରାମର ଶେଷଦେବ ଦେହୁରୀ (୬୫) ବାଡ଼ିପଟକୁ ଯାଉଥିଲେ । ଏହି ସମୟରେ ବିଦୁ୍ୟତ ତାର ସଂସ୍ପର୍ଶରେ ଆସି ସେ ତଳେ ପଡ଼ି ଯାଇଥିଲେ । ବାପା ପଡ଼ିଯିବା ଦେଖି ନିକଟରେ ଥିବା ପୁଅ ସରୋଜ ଦେହୁରୀ (୪୦) ଦୌଡ଼ିଯାଇ ଉଠାଇବାକୁ ଚେଷ୍ଟା କରିବାରୁ ସେ ମଧ୍ୟ ବିଦୁ୍ୟତ ତାର ସଂସ୍ପର୍ଶରେ ଆସିଥିଲେ । ଘଟଣା ଜାଣି ପଡେ଼ାଶୀମାନେ ଘରର ଲାଇନ କାଟି ସେମାନଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ବୌଦ୍ଧ ଡାକ୍ତରଖାନା ଆଣିଥିଲେ । ତେବେ ସେଠାରେ ଡାକ୍ତର ୨ ଜଣଙ୍କୁ ମୃତ ଘୋଷଣା କରିଥିଲେ । ଶବ ବ୍ୟବଚ୍ଛେଦ କରାଯାଇ ଗ୍ରାମକୁ ଅଣାଯାଇ ଶେଷ କୃତ୍ୟ କରାଯାଇଛି । ମୃତକଙ୍କ ପରିବାର ଅତ୍ୟନ୍ତ ଗରିବ ହୋଇଥିବାରୁ ପ୍ରଶାସନ ପକ୍ଷରୁ ଅନୁକମ୍ପାମୂଳକ ଆର୍ଥିକ ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି ।
