ବିଯୁକ୍ତ ୭୦ ଡିଗି୍ରୀ ତାପମାତ୍ରାରେ ସଂରକ୍ଷିତ ହେବ ଫାଇଜର ଟିକା
ବିଯୁକ୍ତ ୭୦ ଡିଗି୍ରୀ ତାପମାତ୍ରାରେ ସଂରକ୍ଷିତ ହେବ ଫାଇଜର ଟିକା
admin
4373
ନୂଆଦିଲ୍ଲୀ: ଆମେରିକୀୟ ଭେଷଜ କମ୍ପାନୀ ଫାଇଜର ଓ ଜର୍ମାନୀ ଅଂଶୀଦାର ବାୟୋଏନଟେକ ଦ୍ୱାରା ବିକଶିତ କୋଭିଡ ଟିକାର ଚୂଡାନ୍ତ ପର୍ଯ୍ୟାୟ ପରୀକ୍ଷଣ ୯୦% ରୁ ଅଧିକ ଫଳପ୍ରଦତା ଦେଉଥିବା ଦାବି ହେଲା ପରେ ଖୁବ ଶୀଘ୍ର ଏହା ଉପଲବ୍ଧ ହୋଇପାରିବ ବୋଲି ଆଶା କରାଯାଉଛି । ମାତ୍ର ଟିକା ନିର୍ମାଣ କେନ୍ଦ୍ରରୁ ବିଶ୍ୱ ବ୍ୟାପୀ ବିଭିନ୍ନ ସ୍ଥାନରେ ଥିବା ଟିକା ପ୍ରଦାନ କେନ୍ଦ୍ର ଯାଏ ଏହାର ସୁରକ୍ଷିତ ପରିବହନ ହିଁ ଚିନ୍ତାର ବିଷୟ ହୋଇଛି । ଟିକାର ରପ୍ତାନୀ ବା ଆମଦାନୀ ବେଳେ ବିଯୁକ୍ତ ୭୦ ଡିଗ୍ରୀ ସେଲସିୟସ ତାପମାତ୍ରାରେ ଏହାକୁ ସଂରକ୍ଷିତ ରଖିବା ଲାଗି ବିମାନ ବନ୍ଦରରେ ଅତିଶୀତଳୀକୃତ ଗୋଦାମ ଘର ଠାରୁ ଆରମ୍ଭ କରି ଅତିଶୀତଳକୃତ ଯାନରେ ଏହାର ପରିବହନ ପ୍ରକି୍ରୟା ଅତ୍ୟନ୍ତ ଜଟିଳ ତଥା ବ୍ୟୟସାପେକ୍ଷ । ସେହିପରି ସେଠାରୁ ଟିକା ପ୍ରଦାନ କେନ୍ଦ୍ରରେ ତାହା ପହଞ୍ଚିଲା ପରେ ତାପମାତ୍ରା -୭୦ଂ ସେଲସିୟସରୁ ସ୍ୱାଭାବିକ ୨ ରୁ ୮ ଡିଗ୍ରୀ ସେଲସିୟସ ତାପମାତ୍ରା ଯାଏ ଆଣିବାକୁ ପଡ଼ିବ ଏବଂ ଅତି ବେଶିରେ ପାଞ୍ଚ ଦିନ ଭିତରେ ତାହାକୁ ବ୍ୟବହାର କରିବାକୁ ପଡ଼ିବ । ଅନ୍ୟଥା ଟିକା ନଷ୍ଟ ହୋଇଯିବାର ଆଶଙ୍କା ରହିଛି । ତେଣୁ ଶେଷ ବ୍ୟବହାର ପର୍ଯ୍ୟାୟରେ ମଧ୍ୟ ଟିକାର ପରିଚାଳନା ଅନ୍ୟତମ ବ୍ୟୟସାପେକ୍ଷ ପଦ୍ଧତି ପାଲଟିଛି । ଏପରି ଶୀତଳୀକରଣୀୟ ସରଞ୍ଜାମ ଆହରଣ ପାଇଁ ବିନିଯୋଗ ଅର୍ଥ ହିଁ ଟିକାର ମୌଳିକ ମୂଲ୍ୟକୁ ଢେ଼ର ବଢ଼ାଇଦେବ । ଫଳ ସ୍ୱରୂପ ଏହା କେବଳ ଧନୀ ରାଷ୍ଟ୍ରଙ୍କ ପାଇଁ ସହଜଲବ୍ଧ ହେବ ବୋଲି ଆଶଙ୍କା ପ୍ରକାଶ ପାଇଛି ।
