ବିଶ୍ୱଭାଷା ପଦଯାତ୍ରାରେ ଯୋଗଦେଲେ ଶତାଧିକ ଯୁବକ ଯୁବତୀ
ବିଶ୍ୱଭାଷା ପଦଯାତ୍ରାରେ ଯୋଗଦେଲେ ଶତାଧିକ ଯୁବକ ଯୁବତୀ
admin
5132
ବାରିପଦା(ଦିଲ୍ଲୀପ ମହାନ୍ତି)- ଆଜି ହେଉଛି ସାରଳା ବିଶ୍ୱଭାଷା ପଦଯାତ୍ରାର ସପ୍ତମ ଦିବସ । ଏହି ପରିପ୍ରେକ୍ଷୀରେ ମୟୂରଭଞ୍ଜ ଜିଲ୍ଲାର ସଦର ମହକୁମା ବାରିପଦାଠାରେ ଆଜି ଆୟୋଜିତ ହୋଇଥିବା ପଦଯାତ୍ରାକୁ ଅତିରିକ୍ତ ଆରକ୍ଷୀ ଅଧିକ୍ଷକ ଅଭିମନୁ୍ୟ ନାୟକ ମୁଖ୍ୟ ଅତିଥି ଭାବେ ଯୋଗ ଦେଇ ଶୁଭ ଉଦଘାଟନ କରିବା ସହ ଆମେ ଓଡ଼ିଆ ଆମ ଭାଷା ଭାରି ବଢ଼ିଆ ଏବଂ ଭାଷା ବଞ୍ଚିଲେ ଜାତି ବଞ୍ଚିବ , ଜାତି ବଞ୍ଚିଲେ ଦେଶ ବଞ୍ଚିବାର ଆହ୍ୱାନ ଦେଇଥିଲେ । ଜାନୁଆରୀ ୭ ପୂର୍ବାହ୍ନ ୯ଟା ସମୟରେ ବାରିପଦା ସହରର ଗ୍ରାମଦେବୀ ମା ଅମ୍ବିକାଙ୍କ ମନ୍ଦିର ବେଢ଼ାରୁ ବୈଦୁ୍ୟତିକ ଗଣମାଧ୍ୟମର ଜିଲ୍ଲା ପ୍ରତିନିଧି ପ୍ରଭାସ ଦାସଙ୍କ ନେତୃତ୍ୱରେ ଶତାଧିକ ଯୁବକ ଯୁବତୀ, ବିଭିନ୍ନ ମହାବିଦ୍ୟାଳୟର ଛାତ୍ର ଛାତ୍ରୀ, ଏନଏସଏସ ସ୍ୱେଚ୍ଛାସେବୀ ଓ ସମାଜସେବୀମାନେ ପଦଯାତ୍ରାରେ ବାହାରି ସହର ପରିକ୍ରମା କରି ପୌରପରିଷଦରେ ପହଁଞ୍ଚି ସେଠାରେ ଉକ୍ରଳମଣି ଗୋପବନ୍ଧୁ ଦାଶଙ୍କ ପ୍ରତିମୂତ୍ତିରେ ମାଲ୍ୟାର୍ପଣ କରିବା ପରେ ବନେ୍ଦ ଉକ୍ରଳ ଜନୀନୀ ସଙ୍ଗୀତ ଗାନ କରିଥିଲେ । ସୂଚନା ଯୋଗ୍ୟ ଯେ, ଆଦିକବି ସାରଳା ଦାସ ଓଡ଼ିଶାର ଗଜପତି ସୂର୍ଯ୍ୟବଂଶୀ ରାଜା କପିଳେନ୍ଦ୍ର ଦେବ(୧୪୩୫-୬୬)ଙ୍କ ସମନସାମୟିକ ଥିଲେ । ତାଙ୍କ ଦ୍ୱାରା ରଚିତ ମହାଭାରତ ଗ୍ରନ୍ଥ ଅଦ୍ୟାବଧି ଓଡ଼ିଆମାନଙ୍କ ଘରେ ପୂଜା ପାଇଆସୁଛି । ପଞ୍ଚଦଶ ଶତାବ୍ଦୀରେ ୍ଥ ଓଡ଼ିଆ ଭାଷାରେ ରଚିତ ଏହି ବିଶାଳ ଗ୍ରନ୍ଥ ସମସ୍ତ ଆଞ୍ଚଳିକ ଭାରତୀୟ ଭାଷାମାନଙ୍କଠାରୁ ପ୍ରାଚୀନ ତମ ବୋଲି ପ୍ରମାଣିତ କରାଏ । ସାରଳା ଦାସ ମଧ୍ୟ ଚଣ୍ଡୀପୁରାଣ, ବିଲଙ୍କା ରାମାୟଣ, ଲକ୍ଷ୍ମୀ ନାରାୟଣ ବଚନିକା , ଚଉତିଶା ଆଦିର ରଚୟିତା । ଏଥି ସହିତ ସାରଳ ଦାସ ପୁରାଣଗୁଡ଼ିକୁ ଆଧାର କରି ଯେଉଁ ସାହିତ୍ୟ ସୃଷ୍ଟିଧାରା ଆରମ୍ଭ କରିଥିଲେ ତାର ପ୍ରଭାବ ତାଙ୍କ ସମସାମୟିକ ସହ ପରବର୍ତ୍ତୀ ସାହିତ୍ୟ ସ୍ରଷ୍ଟାମାନଙ୍କୁ ପ୍ରେରଣା ଯୋଗାଇ ଦେଇଥିଲା ।
