ମମତାଙ୍କ ଘର ସାମ୍ନାରେ ଭିଡ ବଢିଲାଣି, ଜିନ୍ଦାବାଦ ନାରାରେ କମ୍ପାଇ ଦେଉଥିବା ଦେଖିବାକୁ ମିଳିଛି
ମମତାଙ୍କ ଘର ସାମ୍ନାରେ ଭିଡ ବଢିଲାଣି, ଜିନ୍ଦାବାଦ ନାରାରେ କମ୍ପାଇ ଦେଉଥିବା ଦେଖିବାକୁ ମିଳିଛି
admin
1796
କୋଲକାତା : କରୋନା ପାଇଁ ନିର୍ବାଚନ ବିଜୟ ଉତ୍ସବ ଉପରେ କଟକଣା ଲାଗିଛି । କିନ୍ତୁ ସମର୍ଥକମାନେ ମାନିବା ସ୍ଥିତିରେ ନାହାନ୍ତି । ସମ୍ପ୍ରତି ପଶ୍ଚିମବଙ୍ଗରେ ଟିଏମସି ବହୁ ଆସନରେ ଆଗୁଆ ରହିଛି । ପ୍ରାୟ ଚତୁର୍ଥ ରାଉଣ୍ଡ ଭୋଟ ଗଣତି ଜାରି ରହିଥିବାବେଳେ ଟିଏମସି ୧୯୪ ଆସନରେ ଆଗୁଆ ଥିବାବେଳେ ବିଜେପି ୯୪ ଆସନରେ ଆଗରେ ରହିଛି ।
ମମତା ନନ୍ଦୀଗ୍ରାମରେ ପଛୁଆ ଥିଲେବି ବହୁ କାର୍ଯ୍ୟକର୍ତା ତାଙ୍କ ଘର ସାମ୍ନାରେ ପହଁଚି ଜିନ୍ଦାବାଦ ନାରାରେ କମ୍ପାଇ ଦେଉଥିବା ଦେଖିବାକୁ ମିଳିଛି । ଏପରିକି ମମତା ପ୍ରାୟ ଦୁଇ ଘଂଟାପରେ ଭର୍ଚୁଆଲ ମାଧ୍ୟମରେ କହିବେ ବୋଲି ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି ।
ସାରା ଭାରତର ନଜର ପଶ୍ଚିମବଙ୍ଗ ନିର୍ବାଚନ ଉପରେ ଥିଲା । କାହିଁକିନା ମମତାଙ୍କୁ ଗାଦିରୁ ହଟାଇବା ପାଇଁ ବିଜେପି ସେଠାରେ ବହୁ ପରିଶ୍ରମ କରିଥିଲା । ୨୦୧୯ ନିର୍ବାଚନରେ ବି ବିଜେପି ଆଶାତୀତ ପ୍ରଦର୍ଶନ କରିଥିଲା । ଗତ ବିଧାନସଭା ନିର୍ବାଚନରେ ଦଳ ୩ଟି ଆସନ ପାଇଥିବାବେଳେ ଏବେ ପ୍ରାୟ ଶହେ ଆସନରେ ଆଗୁଆ ରହି ଚମକାଇଦେଇଛି । ଭୋଟ ଗଣତି ଜାରି ରହିଥିବାବେଳେ ବିଜେପି କ୍ଷମତାକୁ ଫେରିବା ନିଶ୍ଚିତ ବୋଲି ମୁଖପାତ୍ରମାନେ ଦାବି କରିଛନ୍ତି ।
