ହୋଟେଲ ବ୍ୟବସାୟୀଙ୍କୁ ହତ୍ୟା

Feb 10, 2021 - 05:56 Updated: Feb 10, 2021 - 05:56

2101

ରାଉରକେଲା : ରାଉରକେଲା ଡିଏଭି ସ୍କୁଲ ନିକଟରେ ରହୁଥିବା ୫୭ ବର୍ଷୀୟ ବସେରା ହୋଟେଲର ମାଲିକ ସଜ୍ଜନ ମିତଲଙ୍କୁ ହତ୍ୟା କରାଯାଇଛି । ବିଳମ୍ବିତ ରାତିରେ ଘରେ ପଶି ଦୁର୍ବୃତ୍ତ ହୋଟେଲ ମାଲିକଙ୍କୁ ବୀଭତ୍ସ ହତ୍ୟା କରିଛନ୍ତି । ଲୁହାରଡ଼ରେ ତାଙ୍କ ମୁଣ୍ଡକୁ ଆକ୍ରମଣ କରିଛନ୍ତି ଦୁର୍ବୃତ୍ତ । ଗୁରୁତର ଅବସ୍ଥାରେ ତାଙ୍କୁ ଆଇଜିଏଚ ହସ୍ପିଟାଲରେ ଭର୍ତି କରାଯାଇଥିବା ବେଳେ ସେଠାରେ ତାଙ୍କର ମୃତ୍ୟୁ ହୋଇଛି । ଜମିଜମା ବିବାଦ ଓ ପୂର୍ବ ଶତ୍ରୁତାରୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ପ୍ଲାଂଟ ସାଇଟ ପୁଲିସ ଘଟଣା ସ୍ଥଳରେ ପହଚିଂ ତଦନ୍ତ ଜାରି ରଖିଛି । ସିସିଟିଭିରେ କଏଦ ହୋଇଛି ହତ୍ୟାକାରୀଙ୍କ ଭିଡ଼ିଓ । ୨ଟି ବାଇକରେ ୩ ଜଣ ଦୁର୍ବୁତ ଆସିଥିବା ଭିଡିଓରୁ ଜଣାପଡୁଛି ।ହତ୍ୟାକାରୀଙ୍କୁ ଧରିବାରେ ଏହି ସିସିଟିଭି ଫୁଟେଜ ବଡ଼ ସୁରାଗ ହୋଇପାରେ ବୋଲି ଅନୁମାନ କରାଯାଉଛି ।