ହ୍ରଦ ପାଣିରେ ଲୋକ ପାଲଟିଯାଆନ୍ତି ପଥର, ଜାଣନ୍ତୁ ସେହି ରହସ୍ୟମୟ ହ୍ରଦର କାହାଣୀ
ହ୍ରଦ ପାଣିରେ ଲୋକ ପାଲଟିଯାଆନ୍ତି ପଥର, ଜାଣନ୍ତୁ ସେହି ରହସ୍ୟମୟ ହ୍ରଦର କାହାଣୀ
admin
4119
ଏହି ବିଚିତ୍ର ବ୍ରହ୍ମାଣ୍ଡରେ ଅନେକ ପ୍ରକାର ରହସ୍ୟମୟ ଓ ବିପଦ ଜନକ ହ୍ରଦ ରହିଛି ଯାହାର ରହସ୍ୟ ଏଯାଏ ଜଣାପଡିନାହିଁ । ସେହିଭଳି ହ୍ରଦ ହେଉଛି ତାଞ୍ଜାନିଆରେ ଥିବା “ନେଟ୍ରନ୍ ହ୍ରଦ” । କୁହାଯାଏଯେ, ଏହି ଜଳ ଯାହାକୁ ସ୍ପର୍ଶ କରେ ସେ ପଥର ପାଲଟିଯାଏ । ଏହି ହ୍ରଦ ପାଖରେ ଅନେକ ପଶୁ ପକ୍ଷୀଙ୍କର ପଥର ମୂର୍ତ୍ତି ଦେଖିବାକୁ ମିଳେ । ଏହା ଦେଖି ଏହାର ଯାଦୁକରି ଗୁଣ ବିଷୟରେ ଚର୍ଚ୍ଚା କରାଯାଏ । ଏହାର ବୈଜ୍ଞାନିକ କାରଣ ମଧ୍ୟ ରହିଛି । ଏଥିରୁ ଜଣାଯାଏ ଯେ ଏହା ଏକ କ୍ଷାରୀୟ ହ୍ରଦ, ଏହି ଜଳରେ ସୋଡିୟମ କାର୍ବୋନେଟ ପରିମାଣ ଅଧିକ ଥାଏ ଓ ଆମୋନିଆର ପରିମାଣ ମଧ୍ୟ ଅଧିକ ଥାଏ । ଏହା ଏକ ମାତ୍ର ରହସ୍ୟମୟ ହ୍ରଦ ନୁହେଁ, ଆଫ୍ରିକାର କଙ୍ଗୋରେ ଥିବା “କିଭୁ” ହ୍ରଦ ହେଉଛି ବିଶ୍ୱର ସବୁଠୁ ବିପଦଜନକ ହ୍ରଦ । ଏହାକୁ ବିସ୍ଫୋରକ ହ୍ରଦ ବୋଲି କୁହାଯାଏ । ଏହାର ଜଳରେ କାର୍ବନ ଡାଇଅକ୍ସାଇଡ ଏବଂ ମିଥେନ ଗ୍ୟାସ ଥାଏ । କୁହାଯାଏ ଏହି ହ୍ରଦରେ ସାମାନ୍ୟ ଭୂମିକମ୍ପ ହୋଇଥାଏ । ତେଣୁ ବିସ୍ଫୋରଣ ହେବାର ସମ୍ଭାବନା ଥାଏ । ଏହା ସହ ଆମେରିକାର ବୃହତ୍ତମ ହ୍ରଦ ମଧ୍ୟରୁ “ହ୍ରଦ ମିଚିଗାନ” ଯେତିକି ସୁନ୍ଦର ସେତିକି ବିପଦଜନକ । କୁହାଯାଏ ଏହି ହ୍ରଦରେ ଏକ ଘାତକ ଗ୍ୟାସ ରହିଥିବାରୁ ସେଠାରେ ଉପସ୍ଥିତ ଥିବା ସମସ୍ତ ପ୍ରାଣୀଙ୍କର ମୃତୁ୍ୟ ଘଟିଥିଲା । ଅନେକ ବିଶ୍ୱାସ କରନ୍ତି ଯେ ଏହା ତଳେ ଏକ ଆଗ୍ନେୟଗିରି ରହିଛି । ଆଉ ଏକ ବିପଦପୂର୍ଣ୍ଣ ହ୍ରଦ ରହିଛି ଉତ୍ତର ଆମେରିକା ମାଳଦ୍ୱୀପରେ କାରବିଆନ ଅଂଚଳରେ ଥିବା ଏକ ଦେଶରେ ଫୁଟୁଥିବା ହ୍ରଦ ରହିଛି । ଏହାର ଜଳ ୯୦ ଡିଗ୍ରୀ ସେଲ୍ସିୟସରେ ପହଁଚିଥାଏ ।
