୨୦୨୧ ଆଇପିଏଲରେ ସିଏସକେ ପାଇଁ ଖେଳିବେ ଧୋନୀ
୨୦୨୧ ଆଇପିଏଲରେ ସିଏସକେ ପାଇଁ ଖେଳିବେ ଧୋନୀ
admin
2254
ଆବୁଧାବି: ଚେନ୍ନାଇ ସୁପର କିଙ୍ଗସ (ସିଏସକେ) ପ୍ରଶଂସକଙ୍କ ପାଇଁ ଏହା ବହୁତ ବଡ଼ ଖୁସିର ଖବର । ୨୦୨୧ ଆଇପିଏଲରେ ଅଧିନାୟକ ମହେନ୍ଦ୍ର ସିଂହ ଧୋନି ସିଏସକେ ପାଇଁ ହିଁ ଖେଳିବେ । ରବିବାର ଆଇପିଏଲ-୧୩ରେ ସିଏସକେର ବିଦାୟୀ ମ୍ୟାଚ ପୂର୍ବରୁ ଏହି ବଡ଼ ଘୋଷଣା କରିଛନ୍ତି ଧୋନି । ଚଳିତ ଆଇପିଲଏଲରେ ସିଏସକେର ଖରାପ ପ୍ରଦର୍ଶନ ପରେ ଆନ୍ତର୍ଜାତିକ କ୍ରିକେଟ ପରି ଆଇପିଏଲରୁ ମଧ୍ୟ ଅଧିନାୟକ ଧୋନି ଅବସର ନେଇପାରନ୍ତି । ହେଲେ ଧୋନିଙ୍କ ମନରେ କ’ଣ ଚାଲିଥାଏ, ତାହା କେବଳ ସେ ହିଁ ଜାଣନ୍ତି । ଆସନ୍ତା ବର୍ଷର ଆଇପିଏଲରେ ହିଁ ଧୋନିଙ୍କ ପ୍ରଶଂସକ ତାଙ୍କୁ ସିଏସକେର ହଳଦିଆ ପୋଷାକରେ ଦେଖିବେ । ଚଳିତ ଆଇପିଏଲରେ ଟୁର୍ଣ୍ଣାମେଣ୍ଟ ଇତିହାସରେ ସବୁଠାରୁ ଖରାପ ପ୍ରଦର୍ଶନ କରି ସିଏସକେ ପ୍ରଥମରୁ ପ୍ଲେ ଅଫରୁ ବାଦ ପଡ଼ିଛି । ସିଏସକେର ବିଫଳତା ପରେ ଅଧିନାୟକ ଧୋନିଙ୍କ ଏହା ଶେଷ ଆଇପିଏଲ ହୋଇପାରେ ବୋଲି କଳ୍ପନା ଜଳ୍ପନା ପ୍ରକାଶ ପାଇଥିଲା । କିନ୍ତୁ ଏହାକୁ ସେ ଖଣ୍ଡନ କରିଛନ୍ତି । ରବିବାର କିଙ୍ଗସ ଏକାଦଶ ପଞ୍ଜାବ ବିପକ୍ଷ ଶେଷ ଲିଗ ମ୍ୟାଚ ପୂର୍ବରୁ ଧୋନିଙ୍କୁ ଭାଷ୍ୟକାର ଡ୍ୟାନି ମରିସନ ପଚାରିଥିଲେ ହଳଦିଆ ଜର୍ସିରେ ତୁମର ଏହା ଶେଷ ଆଇପିଏଲ ମ୍ୟାଚ ହେବ କି? ମରିସନଙ୍କ ପ୍ରଶ୍ନର ଉତ୍ତର ଦେଇ ଧୋନି କହିଥିଲେ-ଡେଫିନାଇଟଲି ନଟ (ଆଦୌ ନୁହେଁ) । ଏଥିରୁ ସ୍ପଷ୍ଟ ଯେ ଧୋନି ହଳଦିଆ ଜର୍ସିରେ ୨୦୨୧ ଆଇପିଏଲ ଖେଳିବେ ।
