ବିରୋଧୀ ଦଳ ନେତା ପ୍ରଦୀପ୍ତ କୁମାର ନାଏକଙ୍କ ସ୍ୱାସ୍ଥ୍ୟବସ୍ଥାରେ ବହୁ ଉନ୍ନତି ପରିଲକ୍ଷିତ
ବିରୋଧୀ ଦଳ ନେତା ପ୍ରଦୀପ୍ତ କୁମାର ନାଏକଙ୍କ ସ୍ୱାସ୍ଥ୍ୟବସ୍ଥାରେ ବହୁ ଉନ୍ନତି ପରିଲକ୍ଷିତ
admin
6060
ଭୁବନେଶ୍ୱର : ବିରୋଧୀ ଦଳ ନେତା ପ୍ରଦୀପ୍ତ କୁମାର ନାଏକ ଏବେ କୋଭିଡ଼ ସହ ଲଢୁଛନ୍ତି । କିଛିଦିନ ଧରି ସେ ବହୁ ଗୁରୁତର ଅବସ୍ଥାରେ ଚିକିତ୍ସିତ ହେଉଥିଲେ । କିନ୍ତୁ ଏବେ ତାଙ୍କ ସ୍ୱାସ୍ଥ୍ୟବସ୍ଥାରେ ବହୁ ଉନ୍ନତି ପରିଲକ୍ଷିତ ହୋଇଛି । ସେ କଥା ମଧ୍ୟ କହିଲେଣି ବୋଲି ଏମସ ସୁପରିଟେଣ୍ଡେଂଟ ଡାକ୍ତର ସଚ୍ଚିଦାନନ୍ଦ ମହାନ୍ତି ସୂଚନା ପ୍ରଦାନ କରିଛନ୍ତି ।
ଶ୍ରୀ ନାଏକ କରୋନାରେ ପୀଡିତ ହୋଇ ଏମସରେ ଚିକିତ୍ସିତ ହେଉଥିଲେ । ପ୍ରଥମେ ତାଙ୍କର ସେଭଳି କୌଣସି ଲକ୍ଷଣ ନଥିଲା । କିନ୍ତୁ ଡାକ୍ତରଖାନାରେ ଭର୍ତି ହେବାର କିଛି ଘଂଟା ପରେ ସେ ହଠାତ ଗୁରୁତର ହୋଇପଡ଼ିଥିଲେ । ଏପରିକି ତାଙ୍କୁ ଭେଂଟିଲେଟରରେ ବି ରଖିବାକୁ ପଡ଼ିଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ତାଙ୍କର ସ୍ୱାସ୍ଥ୍ୟବସ୍ଥା କଥା ବୁଝିଥିଲେ । ସ୍ଥିତି ଏମିତି ହୋଇଥିଲାଯେ, ତାଙ୍କୁ ଦିଲ୍ଲୀ ସ୍ଥାନାନ୍ତରିତ କରିବା ପାଇଁ ଏୟାର ଆମ୍ବୁଲାନ୍ସର ବ୍ୟବସ୍ଥା ବି ହୋଇଥିଲା ।
ମେଡ଼ିକାଲରେ ଚିକିତ୍ସିତ ହେଉଥିବାବେଳେ ଧିରେଧିରେ ସ୍ଥିତିରେ ସୁଧାର ଆସିଥିଲା । ବେଶ କିଛିଦିନ ପରେ ସେ ସୁସ୍ଥ ହୋଇ ଆସୁଥିବା ନେଇ ସୂଚନା ମିଳିଛି । ଫଳରେ ତାଙ୍କର ସମର୍ଥକମାନଙ୍କ ମନରେ ଖୁସିର ଲହରୀ ଖେଳିଯାଇଛି । ଖୁବଶୀଘ୍ର ସେ ସୁସ୍ଥ ହୋଇଯିବେ ବୋଲି ଆଶା କରାଯାଉଛି ।
