ମୁଖ୍ୟମନ୍ତ୍ରୀଙ୍କୁ ହତ୍ୟା କରିବା ନିମନ୍ତେ ଷଡ଼ଯନ୍ତ୍ର : ଜାଣନ୍ତୁ କିଏ କରୁଛି ଷଡ଼ଯନ୍ତ୍ର
ମୁଖ୍ୟମନ୍ତ୍ରୀଙ୍କୁ ହତ୍ୟା କରିବା ନିମନ୍ତେ ଷଡ଼ଯନ୍ତ୍ର : ଜାଣନ୍ତୁ କିଏ କରୁଛି ଷଡ଼ଯନ୍ତ୍ର
admin
5734
ଭୁବନେଶ୍ୱର : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ହତ୍ୟା କରିବା ନିମନ୍ତେ ଷଡ଼ଯନ୍ତ୍ର ରଚାଯାଇଛି । ଏଥିପାଇଁ ସୁପାରି କିଲର ନିଯୁକ୍ତ ହୋଇଛନ୍ତି । ଏକେ-୪୭ ଓ ସ୍ୱୟଂଚାଳିତ ପିସ୍ତଲ ଭଳି ଅତ୍ୟାଧୁନିକ ଅସ୍ତ୍ରଶସ୍ତ୍ର ଭୁବନେଶ୍ୱରରେ ପହଁଚିସାରିଛି । ମହାରାଷ୍ଟ୍ର ୱାଘାପୁରରେ ରହିଛି ମାଷ୍ଟରମାଇଣ୍ଡ । ନବୀନ ନିବାସରେ ଏମିତି ଏକ ବେନାମୀ ପତ୍ର ପହଁଚିବା ପରେ ଏବେ ସାରା ରାଜ୍ୟରେ ଚର୍ଚ୍ଚା ଆରମ୍ଭ ହୋଇଯାଇଛି ।
ଅପରପକ୍ଷରେ ପୁଲିସ ଏନେଇ ଛାନଭିନ ଆରମ୍ଭ କରିଦେଇଛି । ପୁଲିସ ଡିଜି, ଗୁଇନ୍ଦା ନିଦେ୍ର୍ଧଶକ ଓ ପୁଲିସ କମିଶନର ଏହାର ତଦନ୍ତ କରିବାକୁ ଗୃହ ବିଭାଗର ସ୍ୱତନ୍ତ୍ର ସଚିବ ସନ୍ତୋଷ ବାଲା ନିଦେ୍ର୍ଧଶ ଦେଇଛନ୍ତି । ଅପରପକ୍ଷରେ ନବୀନ ନିବାସରେ ସୁରକ୍ଷା ବ୍ୟବସ୍ଥାକୁ ଆହୁରି କଡ଼ାକଡ଼ି କରାଯାଇଛି ।
ଗତ ୨୦୧୦ ଜାନୁଆରୀ ୨୫ରେ ମଧ୍ୟ ନବୀନଙ୍କ ମେଲ ଆଇଡ଼ିକୁ ଧମକପୂର୍ଣ୍ଣ ଚିଠି ଆସିଥଲା । ଶୁଭଶ୍ରୀ ଦାସ ନାମ୍ନୀ ମାଓବାଦୀଙ୍କୁ ମୁକ୍ତ ନକଲେ ନବୀନ ପଟ୍ଟନାୟକ ଜାନୁଆରୀ ୨୬ ସକାଳ ଦେଖିପାରିବେ ନାହିଁ ବୋଲି ଚିଠିରେ ଉଲ୍ଲେଖ କରାଯାଇଥିଲା । କମିଶନରେଟ ପୁଲିସ ଘଟଣାର ତଦନ୍ତ କରି ପୁରୀ ଅସ୍ତରଙ୍ଗର ପ୍ରତାପ ବେହେରାଙ୍କୁ ଗିରଫ କରାଯାଇଥିଲା ।
