ରଜର ବିଶେଷ ପିଠାପଣା
admin
ରଜକୁ ପିଠାପଣାର ପର୍ବ କୁହାଯାଏ । ଚୁଲି ଲଗାଇ ନିୟମିତ ରୋଷେଇ କରିବା ମହିଳାଙ୍କ କାର୍ଯ୍ୟ । ଯେହେତୁ ରଜରେ ଧରଣୀମାତାଙ୍କୁ ବିଶ୍ରାମ ଦିଆଯାଏ; ତେଣୁ ରଜ ପୂର୍ବଦିନ ପହିଲି ରଜରେ ବହୁ ରକମର ପିଠାପଣା, ବିଶେଷ କରି ପୋଡ଼ ପିଠା ତିଆରି କରାଯାଇଥାଏ, ଯାହା ସହଜରେ ନଷ୍ଟ ହୁଏ ନାହିଁ ଏବଂ ଅଧିକ ଦିନ ରହିଥାଏ । ଭାତ ବଦଳରେ ଫଳମୂଳ ଓ ବିଭିନ୍ନ ପ୍ରକାର ପିଠାପଣା ଏକାଠି ଖାଇ ସମସ୍ତେ ମଜା କରିଥାନ୍ତି । ଚାଉଳ, ବିରି, ରାଶି, ନଡ଼ିଆ, ଘିଅର ସମ୍ମିଶ୍ରଣରେ ନାନାଦି ପିଠା କରାଯାଏ । ତେବେ ରଜରେ ପୋଡ଼ପିଠା ବେଶ ପ୍ରସିଦ୍ଧ । ଏହାଛଡ଼ା ପୁରଦିଆ ନଡ଼ିଆ, ଆରିଷା, କାକରା, ମଣ୍ଡା, ଗଇଁଠା ବି ହୋଇଥାଏ ।
ଚକୁଳି ପିଠା: ଚକୁଳି ହେଉଛି ଓଡ଼ିଆ ଖାଦ୍ୟ ଯାହା ଚାଉଳ ଚୂନା ଓ ବିରିରୁ ତିଆରି ବହଳିଆ ମଣ୍ଡକୁ ତାୱାରେ ତିଆରି କରାଯାଏ ।
ପୋଡ଼ ପିଠା: ଏହା ଏକ ଓଡ଼ିଆ ଖାଦ୍ୟ ଯାହା ଚାଉଳ ଚୂନା ଓ ବିରିରୁ ତିଆରି ଆଣକୁ କଦଳୀ ପତ୍ରରେ ବାନ୍ଧି ଚୂଲିରେ ରାତି ସାରା ପୋଡ଼ି ପ୍ରସ୍ତୁତ କରାଯାଏ ।
ଏହି ରଜ ଦିନରେ ଝିଅମାନଙ୍କୁ ଚକୁଳି ପିଠା ବା ପୋଡା ଚକୁଳି ଖାଇବାକୁ ମନା ହୋଇଥାଏ ।
