ନିର୍ଦ୍ଦିଷ୍ଟ ଅବଧି ଭିତରେ ପ୍ରକଳ୍ପ ଶେଷ ହେବା ନେଇ କହିଛନ୍ତି ଉପମୁଖ୍ୟ ମନ୍ତ୍ରୀ ପ୍ରଭାତୀ ପରିଡ଼ା
Arpit Pattnaik
ନିର୍ଦ୍ଦିଷ୍ଟ ଅବଧି ଭିତରେ ଶେଷ ହେବ ଅଟକି ରହିଥିବା ସମସ୍ତ ଐତିହ୍ୟ ପ୍ରକଳ୍ପ । ପୁରୀ ଜିଲ୍ଲା ଅନ୍ତର୍ଗତ ଐତିହ୍ୟ ପ୍ରକଳ୍ପର ସମୀକ୍ଷା ବୈଠକରେ ଉପ ମୁଖ୍ୟମନ୍ତ୍ରୀ ଓ ଆଇନ ମନ୍ତ୍ରୀଙ୍କ ନେତୃତ୍ୱରେ ବିଭିନ୍ନ ପ୍ରକଳ୍ପକୁ ନେଇ ମାନସମନ୍ଥନ କରାଯାଇଛି । ପୁରୀ ,କୋଣାର୍କ ଓ ଜିଲ୍ଲାର ଅନ୍ୟ ଅଞ୍ଚଳ ରେ ଅଟକିଥିବା ପ୍ରକଳ୍ପ କାମ ଖୁବ୍ ଶୀଘ୍ର ଶେଷ ହେବ । ଏନେଇ ଏକ ପୁଙ୍ଖାନୁପୁଙ୍ଖ ସମୀକ୍ଷା କରାଯାଇଛି । ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ,ଆଇନ ମନ୍ତ୍ରୀ ପ୍ରୃଥିରାଜ ହରିଚନ୍ଦନ ଓ ପୁରୀ ଜିଲ୍ଲାର ବିଧାୟକ ମାନେ ଉପସ୍ଥିତ ରହି କିଭଳି କାମକୁ ତ୍ୱରାନ୍ୱିତ କରାଯିବ ସେନେଇ ରୂପରେଖ ମଧ୍ୟ ପ୍ରସ୍ତୁତ କରାଯାଇଛି । ଶ୍ରୀମନ୍ଦିର,ମୁଖ୍ୟ ପ୍ରଶାସକ ,ଜିଲ୍ଲାପାଳ,ବିଭାଗୀୟ ଅଧିକାରୀ ଓ ସଚିବ ମାନଙ୍କ ଉପସ୍ଥିତିରେ ଗ୍ରାଉଣ୍ଡରେ ସମସ୍ତ ସମୀକ୍ଷା କାର୍ଯ୍ୟ ମଧ୍ୟ ଶେଷ ହୋଇଛି। ପିପିଲି ଠାରେ ଚାନ୍ଦୁଆ ହବ ପାଇଁ ଜମି ଚିହ୍ନଟ, ଶ୍ରୀ ମନ୍ଦିରର ୭୫ ମିଟର ମଧ୍ୟରେ ମଠ ଓ ମନ୍ଦିର ମରାମତି ଏବଂ ନବୀକରଣ, ଅଠରନଳା ଐତିହ୍ୟ ପ୍ରକଳ୍ପ, ଶ୍ରୀ ଜଗନ୍ନାଥ ମନ୍ଦିର ପ୍ରଶାସନିକ କାର୍ଯ୍ୟାଳୟ କୋଠା ଓ ରଘୁନନ୍ଦନ ପାଠାଗାର ନିର୍ମାଣ, ଶ୍ରୀଗୁଣ୍ଡିଚା ମନ୍ଦିରର ରୋଷଘର ଓ ପାରିପାର୍ଶ୍ଵିକ ବିକାଶ, ପ୍ରମୋଦ ଉଦ୍ୟାନର ବିକାଶ, କୋଣାର୍କ ଐତିହ୍ୟ ଅଞ୍ଚଳ ବିକାଶ ପ୍ରକଳ୍ପ ଆଦି ଅନେକ ଗୁରୁତ୍ୱପର୍ଣ୍ଣ ପ୍ରକଳ୍ପ ଉପରେ ଆଲୋଚନା ଓ ସମୀକ୍ଷା ଶେଷ ହୋଇ ରୂପରେଖ ପ୍ରସ୍ତୁତ ହୋଇଛି ।
