ଏଠାରେ ମାନସିକ ପୂରଣ ହେଲେ ଦିଆଯାଏ ଉଡାଜାହାଜ

Apr 28, 2021 - 10:44 Updated: Apr 28, 2021 - 10:44

4263

ମାନସିକ ପୂରଣ ହେଲେ ଜଣେ ବ୍ୟକ୍ତି କୌଣସି ଏକ ନିର୍ଦ୍ଧିଷ୍ଟ ବସ୍ତୁ କିମ୍ବା ଟଙ୍କାର ଭୋଗ ଲଗାଇବେ ବୋଲି ମନେମନେ ଚିନ୍ତା କରିଥାନ୍ତି । କିନ୍ତୁ ମାନସିକଧାରୀ ଉଡାଜାହାଜ ଚଢ଼ାଇବା ଖବର ନିଶ୍ଚିତ ଭାବେ ଆଶ୍ଚର୍ଯ୍ୟଜନକ । ପଞ୍ଜାବର ସହିଦ୍ ବାବା ନିହାଲ ସିଂହ ଗୁରୁଦ୍ୱାରରେ ଲୋକେ ବିଦେଶ ଯିବା ପାଇଁ ମାନସିକ କରନ୍ତି । ମାନସିକଧାରୀମାନେ ସେମାନଙ୍କ ମାନସିକ ପୂରଣ ହେବାମାତ୍ରେ ଏଠାରେ ଏକ ଖେଳନା ଉଡାଜାହାଜ ଛାଡି ଯାଇଥାନ୍ତି । ନିୟମିତ ଏଠାକୁ ୩୦ରୁ ୪୦ ଶ୍ରଦ୍ଧାଳୁ ଆସିଥାନ୍ତି । ରବିବାର ଦିନ ଏଠାରେ ଅଧିକ ଭିଡ ଥାଏ । ବିଷଶଷକରି ଆମେରିକା ଯିବାକୁ ଲକ୍ଷ୍ୟ ରଖିଥିବା ଶ୍ରଦ୍ଧାଳୁମାନେ ଏଠାକୁ ଅଧିକ ସଂଖ୍ୟାରେ ଆସିଥାନ୍ତି । ସବୁଠାରୁ ମଜାଦାର କଥାଟି ହେଉଛି, ଏହି ଗୁରୁଦ୍ୱାର ନିକଟରେ ଥିବା ଦୋକାନଗୁଡିକରେ ବ୍ରିଟିଶ ଏୟାରୱେଜ, ଏୟାର କାନାଡା ଆଦି ବିଦେଶୀ କମ୍ପାନୀର ଉଡାଜାହାଜ ମଧ୍ୟ ମିଳିଥାଏ । ଏହି ଗୁରୁଦ୍ୱାର ୧୫୦ ବର୍ଷ ପୁରୁଣା । ମନ୍ଦିରରେ ଚଢ଼ାଯାଉଥିବା ଖେଳଣା ଉଡାଜାହାଜଗୁଡିକ ଗୋଟିଏ ଦିନ ଏକାଠି କରାଯାଇ ଛୋଟ ପିଲାଙ୍କ ମଧ୍ୟରେ ବାଂଟି ଦିଆଯାଏ । ଏଠାକୁ ଆସୁଥିବା ମାନସିକଧାରୀଙ୍କର ବିଦେଶରେ ମଧ୍ୟ କୌଣସି ଅସୁବିଧା ହୁଏ ନାହିଁ ବୋଲି ବିଶ୍ୱାସ ରହିଛି ।