କୋଟିଆ ପ୍ରସଙ୍ଗ : ରାଜସ୍ୱ ମନ୍ତ୍ରୀ ପରୋକ୍ଷରେ ବିଜେପିକୁ ଦାୟୀ କରିଛନ୍ତି
କୋଟିଆ ପ୍ରସଙ୍ଗ : ରାଜସ୍ୱ ମନ୍ତ୍ରୀ ପରୋକ୍ଷରେ ବିଜେପିକୁ ଦାୟୀ କରିଛନ୍ତି
admin
4156
ଭୁବନେଶ୍ୱର : କୋଟିଆରେ ଆନ୍ଧ୍ର ନିର୍ବାଚନ କରିବା ପରେ ତାହା ସାରା ରାଜ୍ୟରେ ଚର୍ଚ୍ଚାର ବିଷୟ ପାଲଟିଛି । ଏହି ପ୍ରସଙ୍ଗରେ ପୂର୍ବରୁ ବିଜେପି ଓ କଂଗ୍ରେସ ସରକାରଙ୍କୁ ଘେରିଥିବାବେଳେ ଆଜି ବିଧାନସଭାରେ ବି ସରକାରଙ୍କ ଅପରାଗତା ପାଇଁ କଠୋର ସମାଲୋଚନା କରିଥିଲା । ତେବେ କୋଟିଆ ପ୍ରସଙ୍ଗରେ ସରକାର ୨୧ ବର୍ଷ ଧରି କାହିଁକି ନୀରବ ରହିଛନ୍ତି ବୋଲି ବିଜେପି ପ୍ରଶ୍ନ କରିଥିବାବେଳେ ଏହାର ଉତରରେ ରାଜସ୍ୱ ମନ୍ତ୍ରୀ ସୁଦାମ ମାରାଣ୍ଡି ପରୋକ୍ଷରେ ବିଜେପିକୁ ବି ଦାୟୀ କରିଛନ୍ତି ।
ଉତର ଦେବାବେଳେ ରାଜସ୍ୱ ମନ୍ତ୍ରୀ ଶ୍ରୀ ମାରାଣ୍ଡି କହିଥିଲେଯେ, ରାଜ୍ୟ ସରକାର ସୀମାନ୍ତବର୍ତୀ ଅଂଚଳର ବିକାଶ ପାଇଁ ପ୍ରୟାସ ଜାରି ରଖିଛନ୍ତି । ଭିତିଭୂମିର ବିକାଶ ସହ ମୌଳିକ ସୁବିଧା ସୁଯୋଗ ଯୋଗାଇବା ସକାଶେ ସ୍ୱତନ୍ତ୍ର ପ୍ୟାକେଜ ବି ଦେଉଛନ୍ତି । ତେବେ ବିଜେଡ଼ି ଓ ବିଜେପି ମେଂଟ ସରକାର ବେଳେ ରାଜସ୍ୱ ବିଭାଗ ବିଜେପି ହାତରେ ରହିଥିଲା । ବିଶ୍ୱଭୂଷଣ ହରିଚନ୍ଦନ ଅତୀତରେ ରାଜସ୍ୱ ମନ୍ତ୍ରୀ ଥିବାବେଳେ ଏବେ ଆନ୍ଧ୍ରର ରାଜ୍ୟପାଳ ବି ଅଛନ୍ତି । ସେହିପରି ବିଜେପି ନେତା ମନମୋହନ ସାମଲ ବି ରାଜସ୍ୱ ମନ୍ତ୍ରୀ ରହିଥିଲେ ।
