ଚୁଆରେ ବୁଡ଼ି ୨ ଶିଶୁ ମୃତ

Feb 27, 2021 - 06:14 Updated: Feb 27, 2021 - 06:14

4005

ଧନକଉଡ଼ା: ସମ୍ବଲପୁର ଜିଲ୍ଲା ବୁର୍ଲା ଥାନା ଗୋଶାଳା କଳପଡ଼ାଠାରେ ଏକ ଚୁଆରେ ବୁଡ଼ି ଦୁଇ ଶିଶୁଙ୍କ ମୃତୁ୍ୟ ହୋଇଯାଇଛି । ମୃତକ ଦ୍ୱୟ ହେଲେ କଳପଡ଼ାର ଗଗ ମହାନନ୍ଦଙ୍କ ଝିଅ ନିଶା (୫) ଓ ଭୀଷ୍ମ ଛାତି୍ରଆଙ୍କ ଝିଅ ଈଶାନା (୪) । ଉଭୟ ଶୁକ୍ରବାର ସକାଳେ ଘର ପଛପଟେ ଖେଳୁଥିବା ବେଳେ ଘର ପଛପଟେ ଥିବା ଚୁଆ ନିକଟକୁ ଚାଲିଯାଇଥିବା ଅନୁମାନ କରାଯାଉଛି । ମିଳିଥିବା ସୂଚନା ଅନୁଯାୟୀ, ଶିଶୁ ଦ୍ୱୟ ସାଢେ଼ ନଅଟା ସୁଦ୍ଧା ଘରକୁ ନ ଫେରିବାରୁ ଉଭୟଙ୍କ ଘର ଲୋକ ଖୋଜାଖୋଜି କରିଥିଲେ । ବାଡ଼ିପଟେ ଥିବା ଏକ ତିନି ଫୁଟ ଗଭୀରର ଚୁଆରେ ଉଭୟ ଶିଶୁ ଭାସୁଥିବା ଦେଖିବାକୁ ମିଳିଥିଲା । ସଙ୍ଗେ ସଙ୍ଗେ ଉଭୟଙ୍କୁ ନିକଟସ୍ଥ ସିଆରପିଏଫ ଡାକ୍ତରଖାନାକୁ ନିଆଯାଇଥିଲା । ସେଠାରେ ଡାକ୍ତର ଉଭୟ ଶିଶୁଙ୍କୁ ମୃତ ଘୋଷଣା କରିଥିଲେ ।