ପଦ୍ମ ଧରିଲେ ପୂର୍ବତନ ରାଷ୍ଟ୍ରପତି ଜ୍ଞାନୀ ଜୈଲ ସିଂହଙ୍କ ନାତି
ପଦ୍ମ ଧରିଲେ ପୂର୍ବତନ ରାଷ୍ଟ୍ରପତି ଜ୍ଞାନୀ ଜୈଲ ସିଂହଙ୍କ ନାତି
admin
2453
ନୂଆଦିଲ୍ଲୀ: ପୂର୍ବତନ ରାଷ୍ଟ୍ରପତି ଜ୍ଞାନୀ ଜୈଲ ସିଂହଙ୍କ ନାତି ଇନ୍ଦରଜିତ ସିଂହ ବିଜେପିରେ ଯୋଗ ଦେଇଛନ୍ତି। ନୂଆଦିଲ୍ଲୀସ୍ଥିତ ବିଜେପି ମୁଖ୍ୟ କାର୍ୟ୍ୟାଳୟରେ କେନ୍ଦ୍ର ମନ୍ତ୍ରୀ ହରଦୀପ ସିଂହ ପୁରୀଙ୍କ ଉପସ୍ଥିତିରେ ସେ ବିଜେପିରେ ସଦସ୍ୟତା ଗ୍ରହଣ କରିଛନ୍ତି । ଏହି ଅବସରରେ ବିଜେପି ମହାସଚିବ ତଥା ପଞ୍ଜାବ ପ୍ରଭାରୀ ଦୁଷ୍ୟନ୍ତ ଗୌତମ, ବିଜେପି ମିଡିଆ ପ୍ରଭାରୀ ତଥା ରାଜ୍ୟସଭା ସାଂସଦ ଅନୀଲ ବଲୁନୀ ଏବଂ ରାଷ୍ଟ୍ରୀୟ ପ୍ରବକ୍ତା ଆର ପି ସିଂହ ମଧ୍ୟ ଉପସ୍ଥିତ ଥିଲେ । ବିଜେପିର ସଦସ୍ୟତା ଗ୍ରହଣ କରିବା ପରେ ଇନ୍ଦରଜିତ କହିଲେ, ଦୀର୍ଘଦିନ ପରେ ଜେଜେ (ଜ୍ଞାନୀ ଜୈଲ ସିଂହ)ଙ୍କ ଇଚ୍ଛା ପୂରଣ ହୋଇଛି । କଂଗ୍ରେସ ତାଙ୍କ ସହ ଯେଭଳି ବ୍ୟବହାର କରିଥିଲା, ସେଥିରେ ସେ ଅତ୍ୟନ୍ତ ଦୁଃଖ ପ୍ରକାଶ କରିଥିଲେ । ଦଳ ତାଙ୍କୁ ଯେଉଁ ଦାୟିତ୍ୱ ଦେବ ତାହାକୁ ସେ ନିଷ୍ଠାର ସହ ପାଳନ କରିବେ ବୋଲି ଇନ୍ଦ୍ରଜିତ କହିଛନ୍ତି।
