ପାଟକୁରା ଆସନ ପାଇଁ ୨ ସ୍ୱାଧୀନ ପ୍ରାର୍ଥୀଙ୍କ ନାମାଙ୍କନ ପତ୍ର ଦାଖଲ
ପାଟକୁରା ଆସନ ପାଇଁ ୨ ସ୍ୱାଧୀନ ପ୍ରାର୍ଥୀଙ୍କ ନାମାଙ୍କନ ପତ୍ର ଦାଖଲ
admin
6238
କେନ୍ଦ୍ରାପଡ଼ା : ଆସନ୍ତା ୨୦୧୯ ସାଧାରଣ ନିର୍ବାଚନ ପାଇଁ ଚତୁର୍ଥ ପର୍ଯ୍ୟାୟ ଭୋଟ୍ ଗ୍ରହଣ ପାଇଁ ପ୍ରାର୍ଥୀପତ୍ର ଦାଖଲ ହେଉଥିବାବେଳେ ଏହାର ତୃତୀୟ ଦିନରେ ପାଟକୁରା ନିର୍ବାଚନ ମଣ୍ଡଳୀ ପାଇଁ ଦୁଇଜଣ ସ୍ୱାଧୀନ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଛନ୍ତି । ପ୍ରକାଶ ଯୋଗ୍ୟ ଯେ ପ୍ରାର୍ଥୀପତ୍ର ଦାଖଲର ଦ୍ୱିତୀୟ ଦିନରେ ମହାକାଳପଡା ନିର୍ବାଚନ ମଣ୍ଡଳୀରୁ ଦୁଇଜଣ, କେନ୍ଦ୍ରାପଡା ଏବଂ ରାଜନଗର ନିର୍ବାଚନ ମଣ୍ଡଳୀରୁ ଏହିପରି ୪ଜଣ ପ୍ରାର୍ଥୀ ନାମାଙ୍କନପତ୍ର ଦାଖଲ କରିଛନ୍ତି । ଅପରପକ୍ଷରେ ଗୁରୁବାର ଦିନ ପାଟକୁରା ବିଧାନସଭା ଆସନ ପାଇଁ ସ୍ୱାଧୀନ ପ୍ରାର୍ଥୀଭାବେ ପରମାନନ୍ଦ ମହାରଣା ଓ ଦିବ୍ୟସିଂହ ଦାସ ସେମାନଙ୍କର ପ୍ରାର୍ଥୀପତ୍ର ଦାଖଲ କରିଛନ୍ତି । ସୂଚନାଯୋଗ୍ୟ ଯେ ପାଟକୁରା ନିର୍ବାଚନ ମଣ୍ଡଳୀ ପାଇଁ ବିଜେଡିରୁ ପୁରୁଖା ନେତା ବେଦ ପ୍ରକାଶ ଅଗ୍ରୱାଲା ଟିକେଟ୍ ପାଇଥିବାବେଳେ କଂଗ୍ରେସରୁ ଜୟନ୍ତ ମହାନ୍ତି ଏବଂ ବିଜେପିରୁ ବିଜୟ ମହାପାତ୍ର ଟିକେଟ୍ ପାଇଛନ୍ତି । ମାତ୍ର ବିଜେଡିର କିଛି ଅସନ୍ତୁଷ୍ଟ ବ୍ୟକ୍ତି ବେଦୁବାବୁଙଙ୍କୁ ସମର୍ଥନ ଦେଉନଥିବାବେଳେ ବିଜେପିର ମୁଳଗୋଷ୍ଠୀ ବିଜୟ ମହାପାତ୍ରଙ୍କଠାରୁ ଦୂରେଇ ରହିଛନ୍ତି । ଫଳରେ ଆଜି ଦୁଇଜଣ ସ୍ୱାଧିନ ପ୍ରାର୍ଥୀଙ୍କ ନାମାଙ୍କନ ପତ୍ର ଦାଖଲ ପରେ ଏହା ପାଟକୁରାରେ ବେଶ୍ ଚର୍ଚ୍ଚାର ବିଷୟ ହୋଇଛି ।
