ପାରିକରଙ୍କ ପୁଅ ପାଇଲେନି ଟିକେଟ
ପାରିକରଙ୍କ ପୁଅ ପାଇଲେନି ଟିକେଟ
admin
2594
ପାନାଜୀ : ଗୋଆର ପାନାଜୀ ବିଧାନସଭା ଉପନିର୍ବାଚନ ପାଇଁ ବିଜେପି ପ୍ରାର୍ଥୀ ଘୋଷଣା କରିଛି । ତେବେ ଏହି ଆସନରୁ ପୂର୍ବତନ ମୁଖ୍ୟମନ୍ତ୍ରୀ ମନୋହର ପାରିକରଙ୍କ ସହ ଉପôଳ ପାରିକରଙ୍କୁ ଦଳ ଟିକେଟ ଦେଇନାହିଁ । ପାରିକରଙ୍କ ଘନିଷ୍ଠ ସହଯୋଗୀ ଭାବେ ଜଣାଶୁଣା ସିଦ୍ଧାର୍ଥ କୁନକୋଲିଙ୍କରଙ୍କୁ ଦଳ ଏଠାରୁ ପ୍ରାର୍ଥୀ କରିଛି । ଗତ ମାର୍ଚ୍ଚ ୧୭ରେ ପାରିକରଙ୍କ ବିୟୋଗ ଯୋଗୁଁ ଏଠାରେ ଉପନିର୍ବାଚନର ଆବଶ୍ୟକତା ରହିଥିଲା । ବିଜେପି ଉପôଳଙ୍କୁ ଟିକେଟ ଦେବ ବୋଲି ଗତ କିଛିଦିନ ହେଲା ଚର୍ଚ୍ଚା ହେଉଥିଲା । ମାତ୍ର ଆଜି ସେହି ଚର୍ଚ୍ଚାର ଅବସାନ ଘଟିଛି । ୨୦୧୭ ଫେବୃଆରୀରେ ବିଧାନସଭା ନିର୍ବାଚନରେ କୁନକୋଲିଙ୍କର ପାନାଜୀ ଆସନରୁ ବିଜୟୀ ହୋଇଥିଲେ । କିନ୍ତୁ ପାରିକରଙ୍କ ପାଇଁ ସେହିବର୍ଷ ମେ’ରେ ସେ ଏହି ଆସନ ଖାଲି କରିଥିଲେ । ବିଧାନସଭା ନିର୍ବାଚନରେ ବିଜେପି ସଂଖ୍ୟା ଗରିଷ୍ଠତା ପାଇନଥିବାରୁ ସରକାର ଗଠନ ଲାଗି ଏମଜିପି ଓ ଜିଏଫପିର ସହଯୋଗ ଲୋଡ଼ିଥିଲା । ପାରିକର ମୁଖ୍ୟମନ୍ତ୍ରୀ ହେଲେ ସେମାନେ ସମର୍ଥନ ଦେବେ ବୋଲି ଉଭୟ ଦଳ କହିବା ପରେ ପାରିକର ପ୍ରତିରକ୍ଷା ମନ୍ତ୍ରୀ ପଦରୁ ଇସ୍ତଫା ଦେଇ ରାଜ୍ୟ ରାଜନୀତିକୁ ଫେରିଥିଲେ ।
