ବିଜେଡି-ବିଜେପି ମ୍ୟାଚ ଫିକ୍ସିଂ: ତାରା

Jul 7, 2019 - 08:57 Updated: Jul 7, 2019 - 08:57

2689

ଭୁବନେଶ୍ୱର: ପୁଣି ମ୍ୟାଚ ଫିକ୍ସିଂ ଅଭିଯୋଗ । ତେବେ କ୍ରିକେଟରେ ଏହି ଫିକ୍ସିଂ ହୋଇନାହିଁ । ହୋଇଛି ରାଜନୀତିରେ । ଏହି ଫିକ୍ସିଂ ହୋଇଛି ବିଜୁ ଜନତା ଦଳ ଓ ଭାରତୀୟ ଜନତା ପାର୍ଟି ମଧ୍ୟରେ । ଏକଥା ଆମେ କହୁ ନାହୁଁ । ଏହା କହିଛନ୍ତି କଂଗ୍ରେସ ବିଧାୟକ ତାରା ବାହିନୀପତି । ଆସନ୍ତା ଜୁଲାଇ ୨୦ ତାରିଖରେ ହେବାକୁ ଥିବା ପାଟକୁରା ବିଧାନସଭା ନିର୍ବାଚନ ପରିପ୍ରେକ୍ଷୀରେ ନିଜ ମତ ଦେଇ ଶ୍ରୀ ବାହିନୀପତି ଏହା କହିଛନ୍ତି । ସେ କହିଛନ୍ତି ଯେ, ପାଟକୁରାରେ ବିଜେଡି-ବିଜେପି ଫ୍ରେଣ୍ଡଲି ଲଢୁଛନ୍ତି । ଉଭୟଙ୍କ ମଧ୍ୟରେ ମ୍ୟାଚ ଫିକ୍ସିଂହୋଇଛି । ବିଜେପି ପ୍ରାର୍ଥୀ ବିଜୟ ମହାପାତ୍ରଙ୍କୁ ବଲି କା ବକରା ବନାଯାଇଛି । ସେଠାରେ ଏବେ ଡ୍ରାମା ଚାଲିଛି । ବିଜୟ ମହାପାତ୍ର ବିଧାନସଭା ନଆସନ୍ତୁ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଚାହୁଁଛନ୍ତି । ସାଧାରଣ ନିର୍ବାଚନରେ ଉଭୟେ ପରସ୍ପର ବିରୋଧରେ ଲଢୁଥିଲେ । କିନ୍ତୁ ଉଭୟଙ୍କ ମଧ୍ୟରେ ସେବେଠୁ ଭିତିରି ବୁଝାମଣା ଥିଲା ବୋଲି କଂଗ୍ରେସ ବିଧାୟକ ତାରା ବାହିନୀପତି କହିଛନ୍ତି ।