ବିଶ୍ୱସ୍ତରୀୟ ହେବ ପାରାଦୀପ ବନ୍ଦର : ନିବେଶ ହେବ ୩ ହଜାର କୋଟି
ବିଶ୍ୱସ୍ତରୀୟ ହେବ ପାରାଦୀପ ବନ୍ଦର : ନିବେଶ ହେବ ୩ ହଜାର କୋଟି
admin
2554
ନୂଆଦିଲ୍ଲୀ : ପାରାଦୀପ ବନ୍ଦରକୁ ନେଇ କେନ୍ଦ୍ର ସରକାର ଏକ ବଡ଼ ନିଷ୍ପତି ନେଇଛନ୍ତି । ଏହାକୁ ବିଶ୍ୱସ୍ତରୀୟ ବନ୍ଦରରେ ରୂପାନ୍ତରିତ କରାଯିବ ବୋଲି କେନ୍ଦ୍ର କ୍ୟାବିନେଟରେ ନିଷ୍ପତି ନିଆଯାଇଛି । ଏ ସଂକ୍ରାନ୍ତରେ ସୂଚନା ଦେଇଛନ୍ତି କେନ୍ଦ୍ର ଜାହାଜ ଚଳାଚଳ ମନ୍ତ୍ରୀ ମନସୁ ମାଣ୍ଡଭୟେ ।
ସେ କହିଛନ୍ତିଯେ, ବିଶ୍ୱସ୍ତରୀୟ ବନ୍ଦର ପାଇଁ ପାରାଦୀପ ବନ୍ଦରରେ ୩ ହଜାର କୋଟି ଟଙ୍କା ଖର୍ଚ୍ଚ ହେବ । କମ ସମୟରେ ଅଧିକ ମାଲ ପରିବହନ ପାଇଁ ବଡ଼ ଜାହାଜ ନିର୍ମାଣ ଚାଲିଛି । ସେସବୁ ଜାହାଜ ପାରାଦୀପ ବନ୍ଦର ଡକକୁ ଆସିପାରୁନାହିଁ । ତେଣୁ ବଡ଼ ଜାହାଜ ପାଇଁ ଭାରତକୁ ବଡ଼ ବନ୍ଦର ଓ ବଡ଼ ଡକର ଆବଶ୍ୟକତା ରହିଛି । ନବୀକରଣ ପରେ ପାରାଦୀପ ବନ୍ଦରକୁ ସେସବୁ ଜାହାଜ ଆସିପାରିବ । କେନ୍ଦ୍ର କ୍ୟାବିନେଟର ଏଭଳି ନିଷ୍ପତି ଦ୍ୱାରା ହଜାର ହଜାର ନିଯୁକ୍ତି ସୁଯୋଗ ସୃଷ୍ଟି ହୋଇପାରିବ ବୋଲି ଆଶା କରାଯାଉଛି ।
