ଭାରତକୁ ବୁଦ୍ଧଙ୍କ ଦେଶ କହୁଥିଲା ଚୀନ ।
ଭାରତକୁ ବୁଦ୍ଧଙ୍କ ଦେଶ କହୁଥିଲା ଚୀନ ।
admin
3305
ଚୀନ ଏବେ ଭାରତ ସମେତ ଅନେକ ଦେଶର ଭୂମିକା ନିଜ ଦଖଲକୁ ଆଣିବା ପାଇଁ ଉଦ୍ୟମ କରୁଛି । ସେଥିପାଇଁ ସିଏ ଅନେକ ଦେଶ ଉପରେ ଆକ୍ରମଣ ବି କରିଛି । ତେବେ ଅନେକ ଜାଣିନଥିବେ ଯେ ୧୯୬୨ ମସିହା ପୂର୍ବରୁ ଦୀର୍ଘ ୨୦୦୦ ବର୍ଷ ଭିତରେ ଚୀନର ଶାସକ ମାନେ କେବେ ବି ଭାରତ ଉପରେ ଆକ୍ରମଣ କରିନଥିଲେ । ଚୀନର ଶାସକମାନେ ଆଫଗାନିସ୍ଥାନ, ମଧ୍ୟ ଏସିଆ ଏବଂ ଦକ୍ଷିଣ ପୂର୍ବ ଏସିଆର ଅନେକ ଦେଶ ଉପରେ କବ୍ଜା କରିଥିଲେ । ହେଲେ ସେମାନେ କେବେ ହେଲା ଭାରତ ଉପରେ ଆଖି ପକାଇ ନଥିଲେ । କାରଣ ଭାରତକୁ ସେମାନେ ବୁଦ୍ଧଙ୍କ ଦେଶ ବୋଲି କହୁଥିଲେ ଏବଂ ଖୁବ୍ ସମ୍ମାନ ଦେଉଥିଲେ । ଚୀନବାସୀ ବୌଦ୍ଧ ଧର୍ମାବଲମ୍ବୀ ହୋଇଥିବାରୁ ଭାରତ ଉପରେ ଆକ୍ରମଣ କଲେ ପାପ ହେବ ବୋଲି ସେମାନେ ମନେ କରୁଥିଲେ । ଏହି କାରଣରୁ ସେମାନେ କେବେ ହେଲେ ଭାରତ ଉପରେ କବଜା କରିବାକୁ ଚାହିଁନଥିଲେ । ଏଥିରୁ ପ୍ରାଚୀନ କାଳରେ ଭାରତ ଓ ଚୀନ ଭିତରେ କି ପ୍ରକାର ସମ୍ପର୍କ ଥିଲା ତାହାର ଆଭାସ ମିଳୁଛି । ତେବେ ଚୀନରେ କମ୍ୟୁନିଷ୍ଟ ପାର୍ଟି କ୍ଷମତାସୀନ ହେବା ପରେ ସେମାନେ ନିଜର ଆଭିମୁଖ୍ୟ ବଦଳାଇ ଦେଇଥିଲେ । ସେମାନେ ସବୁ ଦେଶଙ୍କୁ ସମାନ ଦୃଷ୍ଟିରେ ଦେଖିବା ସହିତ ନିଜର ପ୍ରଭାବ ବୃଦ୍ଧି କରିବାକୁ ସବୁ ପ୍ରକାର ଛଳ, ବଳ, କୌଶଳର ସହାୟତା ନେଇଥିଲେ । ଏହି କାରଣଣୁ ୧୯୬୨ ମସିହାରେ ଚୀନ ଭାରତ ଉପରେ ଆକ୍ରମଣ କରିଥିଲା ।
