ମା’ହେଲେ ନାବାଳିକା ଛାତ୍ରୀ, ଜଣେ ଗିରଫ
ମା’ହେଲେ ନାବାଳିକା ଛାତ୍ରୀ, ଜଣେ ଗିରଫ
admin
2895
ଗୁଣପୁର: ପ୍ରଥମେ ପ୍ରଲୋଭନ ଦେଖାଇ ଜଣେ ନାବାଳିକା ଛାତ୍ରୀଙ୍କ ସହ ପ୍ରେମ ସମ୍ପର୍କ ରଖିଲେ । ପରେ ଶାରୀରିକ ସମ୍ପର୍କରୁ ନାବାଳିକା ଏବେ ମା ହୋଇଛନ୍ତି । ଏ ନେଇ ନାବାଳିକାଙ୍କ ପରିବାର ପକ୍ଷରୁ ଗୁଣପୁର ଥାନାରେ ଏତଲା ପରେ ଜଣେ ଯୁବକଙ୍କୁ ପୁଲିସ ଗିରଫ କରିଛି । ଯୁବକ ଜଣଙ୍କ ହେଲେ ବୃନ୍ଦାବନ କାଡ୍ରକା । ଏପରି ଘଟଣା ରାୟଗଡ଼ା ଜିଲ୍ଲା ରାମନାଗୁଡା ବ୍ଲକ ରୁଗୁଡୁବାଇ ଅଞ୍ଚଳରେ ଦେଖିବାକୁ ମିଳିଛି । ରାମନାଗୁଡ଼ା ମେଡିକାଲ ନେବା ପୂର୍ବରୁ ୭ମ ଶ୍ରେଣୀରେ ପଢ଼ୁଥିବା ଛାତ୍ରୀ ଜଣକ ଶିଶୁକନ୍ୟାକୁ ଜନ୍ମ ଦେଇଛନ୍ତି । ଛାତ୍ରୀ ଜଣକ ରାସ୍ତାରେ ପ୍ରସବ କରିଥିଲେ । କୌଣସି ସୂତ୍ରରୁ ପୁଲିସ ଖବର ପାଇ ଉକ୍ତ ଗ୍ରାମର ୧୯ ବର୍ଷର ଯୁବକକୁ ଥାନାକୁ ଆଣି ପଚରାଉଚରା କରିଥିଲା । ଖବର ପାଇଁ ଜିଲ୍ଲା ଶିଶୁ ସୁରକ୍ଷା ୟୁନିଟର ଅଧ୍ୟକ୍ଷ ରାଜକିଶୋର ସାହୁ, ଜିଲ୍ଲା ଶିଶୁ ସୁରକ୍ଷା ଅଧିକାରୀ ରମେଶ ଚନ୍ଦ୍ର ନାୟକ, ଦୁର୍ଗା ସେନାପତି, ରାମନାଗୁଡା ସିଡିପିଓ ଶାନ୍ତିଲାତା ରଥ, ଆଇନ ପ୍ରାଧିକରଣ ସମ୍ପାଦକ ମନୋରଞ୍ଜନ ମିଶ୍ର ସମେତ ଜିଲ୍ଲା ମଙ୍ଗଳ କମିଟି, ଚାଇଲ୍ଡ ଲାଇନ କର୍ମକର୍ତ୍ତା ପୀଡ଼ିତାଙ୍କ ଗାଁକୁ ଯାଇ ଘଟଣାର ତଦନ୍ତ କରିଛନ୍ତି ।
