ୟୁଏସ୍ ଓପନ୍ରୁ ଓହରିଲେ ରାଫେଲ୍ ନାଦାଲ
ୟୁଏସ୍ ଓପନ୍ରୁ ଓହରିଲେ ରାଫେଲ୍ ନାଦାଲ
admin
6536
ୱାଶିଂଟନ୍ : ୟୁଏସ୍ ଓପନ୍ରୁ ଓହରି ଯାଇଛନ୍ତି ବିଶ୍ୱର ଦୁଇ ନମ୍ବର ମାନ୍ୟତା ପ୍ରାପ୍ତ ରାଫେଲ୍ ନାଦାଲ । ଚଳିତ ମାସର ୩୧ ତାରିଖରୁ ଅନୁଷ୍ଠିତ ହେବାକୁ ଥିବା ୟୁଏସ୍ ଓପନ୍ରୁ ନାଦାଲ୍ ଓହରିବା ନେଇ ଟ୍ୱିଟ୍ କରି ଘୋଷଣା କରିଛନ୍ତି । ସମଗ୍ର ବିଶ୍ୱରେ କରୋନା ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବଢି ଚାଲିଥିବା ବେଳେ ଏପରି ସମୟରେ ଟୁର୍ଣ୍ଣାମେଣ୍ଟରେ ଅଂଶଗ୍ରହଣ କରିବା ବୁଦ୍ଧିମତାର ପରିଚାୟକ ନୁହେଁ । କରୋନା କାରଣରୁ ବିଗତ ଚାରି ମାସ ଧରି କୋର୍ଟରୁ ଦୂରେଇ ରହିବାକୁ ପଡିଛି, ତେଣୁ ଆଉ କିଛି ଦିନ ଧୈର୍ଯ୍ୟ ଧରି ରହିବାକୁ ପଡିବ । ଏପରି ଟ୍ୱିଟ୍ ସହିତ ଚାରିଥର ୟୁଏସ୍ ଓପନ୍ ବିଜେତା ନାଦାଲ ୟୁଏସ୍ ଓପନ୍ରୁ ଓହରିବା ସମ୍ପର୍କରେ ଘୋଷଣା କରିଛନ୍ତି । ନିକଟରେ ନାଦାଲ ଓହରି ଯିବା ପରେ ମାଦ୍ରିଦ୍ ଓପନ୍ ମଧ୍ୟ ବନ୍ଦ ରଖାଯାଇଥିଲା । ନାଦାଲଙ୍କ ପୂର୍ବରୁ ବିଶ୍ୱ ମାନ୍ୟତାର ଏକ ନମ୍ବର ସ୍ଥାନରେ ରହିଥିବା ଆସଲେଘ୍ ବାର୍ଟ୍ଟି ମଧ୍ୟ ୟୁଏସ୍ ଓପନ୍ରୁ ଓହରି ଯାଇଥିଲେ ।
