୨୬/୧୧ ମାଷ୍ଟରମାଇଣ୍ଡ ହାଫିଜ ସଇଦକୁ ୧୦ ବର୍ଷ ଜେଲ
୨୬/୧୧ ମାଷ୍ଟରମାଇଣ୍ଡ ହାଫିଜ ସଇଦକୁ ୧୦ ବର୍ଷ ଜେଲ
admin
2489
ନୂଆଦିଲ୍ଲୀ : ୨୬/୧୧ ମୁମ୍ବାଇ ଆକ୍ରମଣର ମାଷ୍ଟର ମାଇଣ୍ଡ ହାଫିଜ ସଇଦକୁ ୧୦ ବର୍ଷର ଜେଲ ଦଣ୍ଡ ପ୍ରଦାନ କରାଯାଇଛି । ଦୁଇଟି ଆତଙ୍କବାଦ ମାମଲାରେ ଜନୈକ ପାକିସ୍ତାନୀ କୋର୍ଟ ହଫିଜକୁ ଏହି ଦଣ୍ଡ ଶୁଣାଇଛନ୍ତି । ଲସ୍କର ଏ ତୋଏବାର ପ୍ରମୁଖ ସଂସ୍ଥା ଜମାତ ଉଦ ଦୱାର ମୁଖ୍ୟ ହାଫିଜ ସଇଦକୁ ଗୁରୁବାର କୋର୍ଟ ଏହି ଦଣ୍ଡାଦେଶ ଶୁଣାଇଛନ୍ତି ।
ୠାହୋର ସ୍ଥିତ ଆତଙ୍କବାଦ ନିରୋଧୀ କୋର୍ଟ ପକ୍ଷରୁ ଏହି ଦଣ୍ଡାଦେଶ ଘୋଷଣା କରାଯାଇଛି । ହଫିଜ ସଇଦ ସମେତ ଜମାତ ଉଦ ଦୱାର ଅନ୍ୟ ୪ ଜଣ ନେତାଙ୍କୁ ମଧ୍ୟ ଦୋଷୀ ସାବ୍ୟସ୍ତ କରିଛନ୍ତି କୋର୍ଟ । ଏହି ୪ ଜଣ ନେତାଙ୍କୁ ୧୧ ବର୍ଷ ପର୍ଯ୍ୟନ୍ତ କାରାଦଣ୍ଡାଦେଶ ପ୍ରଦାନ କରାଯାଇଛି । ଜାଫର ଇକବାଲ ଏବଂ ୟାହା ମୁଜାହିଦଙ୍କୁ ୧୦ ବର୍ଷ ୬ ମାସର କାରାଦଣ୍ଡାଦେଶ ପ୍ରଦାନ କରାଯାଇଛି । ହାଫିଜର ଶଳା ଅବଦୁଲ ରେହମାନ ମକ୍କିକୁ ୬ ମାସର କାରାଦଣ୍ଡ ପ୍ରଦାନ କରାଯାଇଛି ।
ହଫିଜ ସଇଦ କେବଳ ଭାରତର ନୁହେଁ ବରଂ ବିଶ୍ୱର ମୋଷ୍ଟ ୱାଣ୍ଟେଡ ଆତଙ୍କବାଦୀ । ୨୦୦୮ ମୁମ୍ବାଇ ଆକ୍ରମଣରେ ୧୦ ଜଣ ଆତଙ୍କବାଦୀଙ୍କ ଆକ୍ରମଣରେ ୧୬୬ ଜଣଙ୍କ ପ୍ରାଣହାନି ଘଟିଥିଲା । ହାଫିଜ ସଇଦକୁ ଏହି ଆକ୍ରମଣର ମାଷ୍ଟର ମାଇଣ୍ଡ ବୋଲି ଅଭିଯୋଗ କରାଯାଇଥିବା ବେଳେ ପାକିସ୍ତାନ ଏହାକୁ ଖଣ୍ଡନ କରିଥିଲା । ନିକଟରେ ମିଳିତ ଜାତିସଂଘ ଏବଂ ଆମେରିକା ପକ୍ଷରୁ ହଫିଜ ସଇଦ ଉପରେ ୧୦ ମିଲିୟନ ଡଲାରର ପୁରସ୍କାର ରାଶି ଘୋଷଣା କରାଯାଇଛି । ବିଗତ ଜୁଲାଇ ମାସରେ ହାଫିଜକୁ ଆତଙ୍କୀଙ୍କୁ ଅର୍ଥଯୋଗାଣ ଅଭିଯୋଗରେ ଗିରଫ କରାଯାଇଥିଲା । ହାଫିଜ ବର୍ତ୍ତମାନ କୋଟ ଲଖପତ ଜେଲରେ ରହୁଥିବା ଜଣାପଡିଛି ।
