ଦାୟିତ୍ୱ ନେଲେ ନୂଆ ମୁଖ୍ୟ ଶାସନ ସଚିବ
ଦାୟିତ୍ୱ ନେଲେ ନୂଆ ମୁଖ୍ୟ ଶାସନ ସଚିବ
admin
3717
ଭୁବନେଶ୍ୱର:ଆଜି ନୂତନ ବର୍ଷରେ ଦାୟିତ୍ୱ ନେଇଛନ୍ତି ନୂଆ ମୁଖ୍ୟ ଶାସନ ସଚିବ । ସୁରେଶ ମହାପାତ୍ର ମୁଖ୍ୟ ଶାସନ ସଚିବ ଭାବେ ଦାୟିତ୍ୱ ଗ୍ରହଣ କରିଛନ୍ତି । ଅସିତ ତି୍ରପାଠୀଙ୍କ ଅବସର ପରେ ଦାୟିତ୍ୱ ନେଇଛନ୍ତି ସୁରେଶ ମହାପାତ୍ର । ୧୯୮୬ ବ୍ୟାଚର ଆଇଏଏସ ଅଫିସର ଥିଲେ । ଶ୍ରୀ ମହାପାତ୍ର ରାଜ୍ୟ ଉନ୍ନୟନ କମିଶନର ସହ ଏପିସି ଦାୟିତ୍ୱରେ ଥିଲେ । କୃଷି, ଜଳ ସମ୍ପଦ, ଶକ୍ତି ଓ ଜଙ୍ଗଲ ବିଭାଗରେ ମଧ୍ୟ କାମ କରିଛନ୍ତି । ସେହିପରି ଆଜି ନୂଆ ଉନ୍ନୟନ କମିଶନରଭାବେ ପ୍ରଦୀପ ଜେନା ମଧ୍ୟ ଦାୟିତ୍ୱ ଗ୍ରହଣ କରିଛନ୍ତି ।
ନୂଆବର୍ଷ ପୂର୍ବରୁ ରାଜ୍ୟ ସରକାର ପ୍ରଶାସନିକସ୍ତରରେ ଅନେକ ଅଦଳବଦଳ କରିଥିଲେ । ଚଳିତ ମାସରେ ମୁଖ୍ୟ ସଚିବ ଅସିତ ତ୍ରିପାଠୀଙ୍କ କାର୍ଯ୍ୟକାଳ ଶେଷ ହେଉଥିଲା । ତେଣୁ ପରବର୍ତୀ ମୁଖ୍ୟ ଶାସନ ସଚିବ କିଏ ହେବେ ସେନେଇ ଚର୍ଚ୍ଚା ଜୋରଦାର ହେଉଥିଲା । ତେବେ ଏହି ଦୌଡ଼ରେ ସୁରେଶ ସର୍ବାଗ୍ରେ ରହିଥିଲେ । ଜଣେ ଦକ୍ଷ ଆଇଏଏସ ଅଫିସର ଭାବେ ତାଙ୍କର ଯଥେଷ୍ଟ ଖ୍ୟାତି ରହିଛି । ରାଜ୍ୟ ସରକାରଙ୍କ ବହୁ ବିଭାଗରେ ସେ କାର୍ଯ୍ୟ କରି ନିଜ ଦକ୍ଷତାର ପରାକାଷ୍ଠା ପ୍ରତିପାଦିତ କରିଥିଲେ । ସେହିପରି ବରିଷ୍ଠ ଆଇଏଏସ ପ୍ରଦୀପ ଜେନା ବହୁ ବିଭାଗରେ କାର୍ଯ୍ୟ କରି ନିଜ ଦକ୍ଷତା ପ୍ରତିପାଦିତ କରିଥିଲେ । ତେଣୁ ତାଙ୍କୁ ରାଜ୍ୟ ସରକାର ଉନ୍ନୟନ କମିଶନର ଭାବେ ନିଯୁକ୍ତ କରାଯାଇଛି ।
