ନାଗରିକତା ଆଇନ ଯୋଗୁଁ ଯୁଦ୍ଧ ଲାଗିବ: ଇମ୍ରାନ

Dec 20, 2019 - 10:51 Updated: Dec 20, 2019 - 10:51

5236

ନୂଆଦିଲ୍ଲୀ - ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ ଖାନ କହିଛନ୍ତି ଯେ ଭାରତ ଦ୍ୱାରା ପ୍ରଣୀତ ନୂଆ ନାଗରିକତା ଅଧିକାର ସଂଶୋଧନ ଆଇନର ପ୍ରଭାବ ଏବଂ ଜମ୍ମୁ କାଶ୍ମୀରରେ କରାଯାଇଥିବା କଟକଣା ଯୋଗୁଁ ଦକ୍ଷିଣ ଏସିଆରେ ଶରଣାର୍ଥୀ ସଂକଟ ସୃଷ୍ଟି ହେବ । ଏହାଯୋଗୁଁ ଭାରତରୁ କୋଟି କୋଟି ମୁସଲମାନ ପାକିସ୍ତାନକୁ ପଳୟନ କରିବାର ଆଶଙ୍କା ଦେଖାଦେଇଛି । ଏହି ସଂକଟ ବାକି ସବୁ ସଂକଟକୁ ବଳିଯିବ । ତେବେ ପାକିସ୍ତାନ ଏତେ ମାତ୍ରାରେ ଶରଣାର୍ଥୀଙ୍କୁ ଆଶ୍ରୟ ପ୍ରଦାନ କରିବାରେ ସମର୍ଥ ହେବ ନାହିଁ । ତେଣୁ ଏହାକୁ ନେଇ ଦୁଇ ଦେଶ ଭିତରେ ଯୁଦ୍ଧ ଲାଗିଯାଇପାରେ । ମଙ୍ଗଳବାର ସୁଇଜରଲ୍ୟାଣ୍ଡର ରାଜଧାନୀ ଜେନିଭାରେ ଶରଣାର୍ଥୀ ସମସ୍ୟା ଉପରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେବା ଅବସରରେ ସେ ଏହା କହିଛନ୍ତି । ଅନ୍ୟ ପଟରେ, ଇମ୍ରାନଙ୍କ ଏଭଳି ବୟାନ ଉପରେ ପ୍ରତିକି୍ରୟା ଦେବାକୁ ଭାରତ ମନା କରିଦେଇଛି । ଭାରତର ବିଦେଶ ମନ୍ତ୍ରଣାଳୟ କହିଛି କି ତାଙ୍କର ପ୍ରତ୍ୟେକ ବୟାନ ଉପରେ ଭାରତ ପ୍ରତିକି୍ରୟା ଦେବା ଜରୁରୀ ନୁହେଁ । ସେ ଅନେକ ସମୟରେ ଆବଶ୍ୟକ ଭାବେ ଏପରି ବୟାନ ଦେଉଛନ୍ତି । ସେ ଭାରତ ଉପରେ ଧ୍ୟାନ ନ ଦେଇ ନିଜ ଦେଶର ସଂଖ୍ୟାଲଘୁଙ୍କ ସ୍ଥିତି ଉପରେ ଅଧିକଧ୍ୟାନ କେନ୍ଦ୍ରିତ କରିବା ଦରକାର ।