ମାଲକାନଗିରି ଜିଲ୍ଲା ବାହ୍ୟ ଜଗତରୁ ସମ୍ପୂର୍ଣ୍ଣ ବିଚ୍ଛିନ୍ନ
ମାଲକାନଗିରି ଜିଲ୍ଲା ବାହ୍ୟ ଜଗତରୁ ସମ୍ପୂର୍ଣ୍ଣ ବିଚ୍ଛିନ୍ନ
admin
3185
ମାଲକାନଗିରି: ଲଗାଣ ବର୍ଷା ଯୋଗୁଁ ମାଲକାନଗିରି ଜିଲ୍ଲା ବାହ୍ୟ ଜଗତରୁ ସମ୍ପୂର୍ଣ୍ଣ ବିଚ୍ଛିନ୍ନ ହୋଇଯାଇଛି । ପାଙ୍ଗମା ନିକଟରେ ରାସ୍ତା ବୁଡ଼ିଯାଇଥିବା ଜଣାଯାଇଛି । ଫଳରେ ଜୟପୁରକୁ ସଂଯୋଗ ବିଚ୍ଛିନ୍ନ ହୋଇଯାଇଛି । ଛତିଶଗଡ଼କୁ ସଂଯୋଗ କରୁଥିବା ଚାଲାଣଗୁଡ଼ା ଓ ମୋଟୁରୁ ପୋଟେରୁକୁ ବିଚ୍ଛିନ୍ନ ହୋଇଯାଇଛି । ଏମଭି ୩୭- ବାଲିମେଳା ରାସ୍ତା ମଧ୍ୟ ବୁଡ଼ିଯାଇଛି । ଫଳରେ ଆନ୍ଧ୍ର ସହ ସମ୍ପର୍କ ମଧ୍ୟ ବିଚ୍ଛିନ୍ନ ହୋଇଯାଇଛି । ଜିଲ୍ଲାର ସମସ୍ତ ନଦୀ ନାଳରେ ପାଣି ଯୋଗୁଁ ପ୍ରତି ଗାଁକୁ ଯୋଗାଯୋଗ ବିଚ୍ଛିନ୍ନ ହୋଇଯାଇଛି ।
ପ୍ରବଳ ବର୍ଷା ଓ ସମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ଜିଲ୍ଲା ଶିକ୍ଷା ବିଭାଗ ପକ୍ଷରୁ ଆଜି ଓ ଆସନ୍ତା କାଲି (ଶୁକ୍ରବାର, ଶନିବାର) ଦୁଇ ଦିନ ମାଲକାନଗିରି ଜିଲାର ସମସ୍ତ ବିଦ୍ୟାଳୟ ବନ୍ଦ ରହିବ ବୋଲି ଘୋଷଣା ହୋଇଛି ।
ସୂଚନାଯୋଗ୍ୟ, ଗୁରୁବାର ରାତି ଠାରୁ ମାଲକାନଗିରି ଜିଲାରେ ପ୍ରବଳ ବର୍ଷା ଯୋଗୁଁ ଅସ୍ଥାୟୀ ପୋଲ ଉପରେ ବିପଦ ସଂକୁଳ ଅବସ୍ଥାରେ ପାଣି ପ୍ରବାହିତ ହେଉଛି। ସେଥିପାଇଁ ଖଇରପୁଟ ବ୍ଲକ ସଦର ପଞ୍ଚାୟତର ୩ ଖଣ୍ଡ ଗ୍ରାମ ମାଝିଗୁଡା,କେନ୍ଦୁଗୁଡା ଓ ଗମ୍ଭାରୀଭଟ୍ଟା ବାହ୍ୟ ଜଗତରୁ ବିଛିନ୍ନ ହୋଇ ଯାଇଛି। କିଛି ଗ୍ରାମବାସୀ ବନ୍ୟା ଜଳରେ ଫସି ଯାଇଥିବାରୁ ବିପଦ ସଂକୁଳ ଅବସ୍ଥାରେ ଯାତାୟତ କରୁଥିବା ଦେଖିବାକୁ ମିଳିଛି। କିନ୍ତୁ ସେହି ସ୍ଥାନରେ ପ୍ରଶାସନ ତରଫରୁ କୌଣସି ଅଧିକାରୀ, ପୁଲିସ ଏବଂ ଅଗ୍ନିଶମ କର୍ମଚାରୀ ପହଞ୍ଚି ନାହାନ୍ତି ।
