ଜନ୍ମଦିନରେ ସାଲିସ ବିହୀନ ରାଜନେତା ନବକୃଷ୍ଣ ଚୌଧୁରୀ
ଜନ୍ମଦିନରେ ସାଲିସ ବିହୀନ ରାଜନେତା ନବକୃଷ୍ଣ ଚୌଧୁରୀ
admin
3972
୧୯୦୧ ନଭେମ୍ବର ୨୩ରେ ଜଗତସିଂହପୁର ଜିଲ୍ଲାର ଖେରସାର ଏକ ଜମିଦାର ପରିବାରରେ ଜନ୍ମ ହୋଇଥିଲେ ସରଳ ସାଲିସବିହୀନ ମହାନ ଓଡ଼ିଆ ରାଜନେତା ନବକୃଷ୍ଣ ଚୌଧୁରୀ । ତାଙ୍କ ଗେହ୍ଲା ନାମ ଥିଲା ‘ଟୁଆଁ’ । ପିତା ଗୋକୁଳାନନ୍ଦ ଥିଲେ ପ୍ରତିଷ୍ଠିତ ଓକିଲ । ନବକୃଷ୍ଣଙ୍କ ବିଦ୍ୟାଳୟ ଶିକ୍ଷା ପ୍ୟାରୀମୋହନ ଏକାଡେମିରେ ହୋଇଥିଲା । ସେ ଶୈଶବରେ ଖେଳ କସରତ ପ୍ରିୟ ଥିଲେ । ଆଉ ପିତା ତାଙ୍କୁ ଏହି ଦିଗରେ ଉତ୍ସାହିତ କରୁଥିଲେ । ସ୍ୱତନ୍ତ୍ର ଭାବେ ତାଲିମ ଦେବା ନିମନ୍ତେ ଜଣେ ପ୍ରଶିକ୍ଷକଙ୍କୁ ନିଯୁକ୍ତ କରିଥିଲେ । ବିଦ୍ୟାଳୟ ଶିକ୍ଷା ପରେ ରେଭେନସା ମହାବିଦ୍ୟାଳୟ । ରେଭେନସା ମହାବିଦ୍ୟାଳୟରେ ପଢ଼ିବା ବେଳେ ସ୍ୱାଧୀନତା ଆନେ୍ଦାଳନରେ ଯୋଗ ଦେଇ ପାଠ ଛାଡ଼ିଥିଲେ । ‘ସାବରମତୀ ଆଶ୍ରମ’ରେ ପ୍ରାୟ ଦଶ ମାସ ରହି ଲୋକସେବକ ଭାବେ ନିଜକୁ ତାଲିମ ଦେଇଥିଲେ । ୧୯୨୭ ରେ ଗ୍ରାମ୍ୟ ଅର୍ଥନୀି ବିଷୟରେ ଅଧ୍ୟୟନ ପାଇଁ ଶାନ୍ତିନିକେତନ ଯାଇଥିଲେ । ଶାନ୍ତିନିକେତନରେ ପଢ଼ୁଥିବା ବେଳେ ମାଳତୀ ସେନ ସହ ତାଙ୍କର ଭେଟ ହୋଇଥିଲା । ବିଚାରରେ ସାମଞ୍ଜସ୍ୟ ଯୋଗୁଁ ଦୁହେଁ ପରସ୍ପର ପ୍ରତି ଆକୃଷ୍ଟ ହୋଇଥିଲେ । ସମ୍ପର୍କ କ୍ରମେ ଘନିଷ୍ଠ ହୋଇଥିଲା ଏବଂ ବିବାହ କରିବା ଲାଗି ସେମାନେ ନିଷ୍ପତ୍ତି ନେଇଥିଲେ । ମାଳତୀ ଥିଲେ ଅଣ ଓଡ଼ିଆ ସାଙ୍ଗକୁ ବ୍ରାହ୍ମ ଧର୍ମାବଲମ୍ବୀ । ସେମାନଙ୍କ ବିବାହ ପ୍ରସ୍ତାବର ତୀବ୍ର ବିରୋଧ ହୋଇଥିଲା । ନବକୃଷ୍ଣଙ୍କ ରକ୍ଷଣଶୀଳ ମାତା । ତେବେ ଗୋପବନ୍ଧୁ ଚୌଧୁରୀଙ୍କ ହସ୍ତକ୍ଷେପ ପରେ ବିବାହ ସମ୍ପୃକ୍ତ ହୋଇଥିଲା ଏବଂ ମାଳତୀ ଆସିଥିଲେ ଓଡ଼ିଶା । ବିବାହ ପରେ ଦୁହେଁ ଜଗତସିଂହପୁର ଅନ୍ତର୍ଗତ ତରିକୁଦ ଗ୍ରାମରେ ବାସ କରିଥିଲେ । ସେଠାରେ ସେମାନଙ୍କ ସାଧାରଣ ଲୋକଙ୍କ ସହ ମିଶି କୃଷି କାର୍ୟ୍ୟ କରିଥିଲେ, ଶିକ୍ଷା ଦେଉଥିଲେ । ବିଦ୍ୟାଳୟ ଚଳାଉଥିଲେ । କୃଷକ ଓ ସାଧାରଣ ଲୋକଙ୍କ ପାଇଁ ପ୍ରଥମେ ‘ସାରଥୀ’ ଏବଂ ତା ପରେ ‘କୃଷକ’ ନାମକ ଏକ ପତି୍ରକା ବାହାର କରିଥିଲେ । ସ୍ୱତନ୍ତ୍ର ଉକ୍ରଳ ପ୍ରଦେଶ ଗଠନ ପରେ ହୋଇଥିବା ନିର୍ବାଚନରେ ସେ ତିର୍ତ୍ତୋଲ ଏରସମା ଆସନରୁ ଲଢ଼ି ବିଜୟୀ ହୋଇଥିଲେ । ପରେ କେନ୍ଦ୍ରାପଡ଼ା ଆସନରୁ ବିଜୟୀ ହୋଇ ରାଜସ୍ୱ ମନ୍ତ୍ରୀ (୨୩ ଏପି୍ରଲ ୧୯୪୬-୨୩ ଏପି୍ରଲ ୧୯୪୮) ହୋଇଥିଲେ । ଏକମାତ୍ର ପୁତ୍ର ବିନାୟକଙ୍କ ଆତ୍ମହତ୍ୟା ତାଙ୍କୁ ବ୍ୟଥିତ କରିବାରୁ ସେ ସରକାରରୁ ଇସ୍ତଫା ଦେଇ ଜନସେବାରେ ବ୍ରତୀ ହୋଇଥିଲେ । ନେହେରୁଙ୍କ ଅନୁରୋଧ କ୍ରମେ ଓଡ଼ିଶାର ଦ୍ୱିତୀୟ ମୁଖ୍ୟମନ୍ତ୍ରୀ ପଦରେ ବସିଥିଲେ (୧୨ ମେ ୧୯୫୦-୧୯ ଅକ୍ଟୋବର ୧୯୫୬) । ବହଚ ବିରୋଧ ସତ୍ତ୍ୱେ ତାଙ୍କ କାର୍ୟ୍ୟକାଳରେ, ତାଙ୍କ ଉଦ୍ୟମରେ ଓଡ଼ିଆ ସରକାରୀ ଭାଷାରେ ପରିଣତ ହୋଇଥିଲା ।
