ପରିବାର ଚଳାଇବା ପାଇଁ ପରିବା ବିକୁଛନ୍ତି ଏହି ଅଭିନେତା।
ପରିବାର ଚଳାଇବା ପାଇଁ ପରିବା ବିକୁଛନ୍ତି ଏହି ଅଭିନେତା।
admin
3003
ମୁହଁରେ ରଙ୍ଗ ବୋଳି ମଞ୍ଚ ଏବଂ ପରଦାରେ ଅଭିନୟ କରୁଥିବା ହାସ୍ୟ ଅଭିନେତାଙ୍କ ଜୀବନ ଶୈଳୀକୁ କରୋନା ମହାମାରୀ ବଦଳାଇ ଦେଇଛି । ୩୦ ରୁ ଅଧିକ ଚଳଚ୍ଚିତ୍ରରେ ହାସ୍ୟ ଅଭିନେତା ଭାବେ ଅଭିନୟ କରି ଦର୍ଶକଙ୍କୁ ହସାଇ ବେଦମ କରୁଥିବା ଅଭିନେତା ବ୍ଲାକ ରବି ଓରଫ ରବି କୁମାର ଲକଡାଉନରେ ନିଜର ପରିବାର ଚଳାଇବାକୁ ପରିବା ବେପାରକୁ ଆପଣାଇଛନ୍ତି ।
ଘର ସାମ୍ନାରେ ଅଣ୍ଡା ବିକ୍ରି କରିବା ସହ ସକାଳ ହେଲେ ବାଇକରେ ତାଜା ପନିପରିବା ଓ ଶାଗ ଧରି ଘର ଘର ବୁଲି ବିକ୍ରି କରୁଛନ୍ତି । ହାସ୍ୟ ଅଭିନେତାଙ୍କୁ ପାଖରେ ଦେଖି କେହି କେହି ସୁଟିଂ ହେଉଥିବା ଭାବୁଥିବା ବେଳେ କେହି କେହି ଅଭିନେତାଙ୍କ ଏଭଳି ଦୁର୍ଦ୍ଦଶାରେ ଗ୍ରାହକ ହୋଇ ତାଙ୍କଠାରୁ ପରିବା କିଣିବାକୁ ଆଗେଇ ଆସୁଛନ୍ତି । ଏଭଳି ବିପର୍ଯ୍ୟୟ ସମୟରେ ବ୍ଲାକ ରବି ସଂଘର୍ଷ କରି ୧୧ ପ୍ରାଣୀଙ୍କୁ ଚଳାଇବା ସହ ସରକାରଙ୍କ ପକ୍ଷରୁ କରୋନା ଲକଡାଉନ ଜାରି ହୋଇଥିବା ସଚେତନତା ବାର୍ତ୍ତା ଲୋକଙ୍କୁ ବାଣ୍ଟୁଛନ୍ତି ।
ଏ ସମ୍ପର୍କରେ ରବି କୁହନ୍ତି ମଞ୍ଚ ଓ ପରଦା ଉପରେ ଥାଇ ଲୋକଙ୍କୁ ହସାଇବାର କଳା ଏବେ ତାଙ୍କ ପରିବା ବେପାରରେ କାମ ଦେଇଛି । ଲକଡାଉନ ସମୟରେ ଘରକୁ ବାହାରକୁ ଯିବାକୁ ବାରଣ କରାଯାଇଥିବା ବେଳେ ସେ ତାଙ୍କ ବୃଦ୍ଧ ବାପା ମାଆଙ୍କ ସହ ୧୧ ଜଣ ପରିବାରକୁ ଚଳାଇବା ଲାଗି ଏଭଳି ନିଷ୍ପତ୍ତି ଆପଣାଇଛନ୍ତି ।
